മുടി കൊഴിച്ചിൽ മാറാൻ പേരയില

മുടികൊഴിച്ചില്‍ സ്ത്രീകള്‍ക്കിടയിലെ ഒരു പ്രധാന പ്രശ്നമാണ്. നീണ്ടിടതൂര്‍ന്ന മുടി വേണമെന്ന് ആഗ്രഹമുണ്ടെങ്കിലും മുടികൊഴിച്ചില്‍ തടയാന്‍ മാത്രം പലര്‍ക്കും സധിക്കാറില്ല.
ചുറ്റുപാടുകളിൽ വന്നിരിക്കുന്ന മാറ്റങ്ങൾ നമ്മുടെ ശരീരത്തിനെയും ആരോഗ്യത്തെയും ഏറെ സ്വാധീനിക്കും .ഫാക്ടറികൾ ഉയരുമ്പോഴും കാറുകളുടെ എണ്ണം കൂടുമ്പോഴും അതിനൊപ്പം തന്നെ വായുവും ജലവുമെല്ലാം മലിനമാക്കപ്പെടുന്നു .ഇവ മനുഷ്യ ശരീരത്തെയും ബാധിക്കുന്നു .അലർജി ,മുടി കൊഴിച്ചിൽ എന്നിവ എല്ലാം ഇന്നത്തെ സമൂഹത്തിൽ സർവ സാധാരണം ആയിരിക്കുന്നു .മാനസിലെ സമ്മർദ്ദങ്ങൾ കാരണവും മുടി കൊഴിച്ചിൽ സംഭവിക്കാം .വില പിടിപ്പുള്ള പല മരുന്നുകളും എണ്ണകളും ഉപയോഗിച്ച് കേശ സംരക്ഷണം ചെയ്യുന്നവർക്ക് പലപ്പോഴും പണം നഷ്ടം ആവുകയും നിരാശ ആണ് ഫലം .എന്നാൽ മുടി കൊഴിച്ചിലിന്‌ പേരയില കൊണ്ട് ഒരു പരിഹാര മാർഗം ഉണ്ട്.അത് എന്താണ് എന്നും ഉപയോഗിക്കേണ്ടത് എങ്ങനെ എന്നും അറിയാന്‍ താഴെ കൊടുത്തിരിക്കുന്ന വീഡിയോ കാണുക .

ഉറക്കം ലഭിക്കാൻ സഹായിക്കുന്ന ഭക്ഷണങ്ങൾ

രാത്രി കിടക്കുന്നതിന് മുമ്പ് വിശപ്പകറ്റാന്‍ എന്തെങ്കിലും കഴിക്കാം എന്ന് ചിന്തിക്കുന്നവരാണ് പലരും. എന്നാല്‍ വയറിനു അസുഖമുണ്ടാക്കുന്ന ആഹാര സാധനങ്ങള്‍ കഴിച്ചാല്‍ രാത്രി ഉറക്കം ശരിയാവണം എന്നില്ല. രാത്രിയില്‍ നല്ല ഭക്ഷണം കഴിച്ചാല്‍ നല്ല ഉറക്കം ലഭിക്കും. രാത്രിയില്‍ നല്ല ഉറക്കത്തിന് സഹായിക്കുന്ന ഭക്ഷണങ്ങള്‍ എന്തൊക്കെയാണെന്ന് നോക്കാം.

വെജിറ്റബിള്‍ സൂപ്പ് – ഉറങ്ങും മുന്നേ വെജിറ്റബിള്‍ സൂപ്പ് കഴിക്കുന്നത് നല്ല ഉറക്കം കിട്ടാന്‍ നല്ലതാണ്. ഇത് വയര്‍ സൌഹൃദപരമായ ഭക്ഷണം ആയതിനാല്‍ പെട്ടെന്ന് ദഹിക്കുകയും അധികം ബുദ്ധിമുട്ടില്ലാതെ ഉറങ്ങാന്‍ സഹായിക്കുകയും ചെയ്യുന്നു.

പാല്‍ – രാത്രി ഉറങ്ങും മുന്‍പേ പാല്‍ കുടിക്കുന്നത് നല്ലതാണ്. പാലില്‍ അമിനോ ആസിഡ് ആയ ട്രിപ്‌റ്റോഫാന്‍ അടങ്ങിയിരിക്കുന്നു. ഇത് സെറാടോണിന്‍ ഉല്‍പ്പാദിപ്പിക്കാന്‍ സഹായിക്കുന്നു.

സോഫ്റ്റ് ചർമത്തിന് ഓറഞ്ച് തൊലി ഫേസ്‌പാക്ക്

ഓറഞ്ച് തൊലി ഉണക്കി പൊടിച്ചെടുത്താല്‍ മികച്ച ഒരു ഫേഷ്യല്‍ പൗഡറാണ്.
3 ദിവസമെങ്കിലും വെയിലത്ത് വച്ച ശേഷം മിക്സിയിലിട്ട് പൊടിച്ചെടുക്കുക. ഇതില്‍ 2 സ്പൂണ് എടുത്ത് അതേ അളവില്‍ തൈരും 1 സ്പൂണ്‍ തേനും ചേര്‍ത്ത് കുഴക്കുക.
മുഖത്ത് പുട്ടി 20 മിനുട്ടിന് ശേഷം കഴുകി കളയാം. ആഴ്ചയില്‍ രണ്ടോ മൂന്നോ തവണ ചെയ്ത് നോക്കു, മുഖത്തെ കറുത്ത് പാടുകളും, വെയില്‍ കൊണ്ടതിന്‍റെ കരുവാളിപ്പും കുറയും. അതേ സമയം ആഴ്ചയില്‍ മൂന്ന് തവണയില്‍ കൂടുതല്‍ ഈ മിശ്രിതം മുഖത്ത് പുരട്ടാതിരിക്കുക.

ഗര്‍ഭകാലത്തെ ഭക്ഷണക്രമീകരണം

ഗര്‍ഭിണികള്‍ക്ക്‌ ചില ആഹാരസാധനങ്ങളോട്‌ കൊതി തോന്നാറുണ്ട്‌. യഥാര്‍ഥത്തില്‍ ഗര്‍ഭിണിയുടെ ശരീരത്തില്‍ പോഷകഘടകങ്ങളുടെ കുറവ്‌ ഉണ്ടാകുമ്പോള്‍ അതു നികത്താന്‍ ശരീരം തന്നെ പ്രയോഗിക്കുന്ന മാര്‍ഗമാണ്‌ ഇത്തരത്തില്‍ ചില പ്രത്യേക ആഹാരസാധനത്തോടുള്ള പ്രിയം. ഇങ്ങനെ ഇഷ്‌ടംതോന്നുന്ന ഭക്ഷണം കഴിക്കേണ്ടതിന്റെ ആവശ്യകത ഇതില്‍നിന്നും വ്യക്‌തമാണ്‌.

ഒരു അമ്മയ്‌ക്ക് കുഞ്ഞിന്‌ നല്‍കാന്‍ കഴിയുന്ന ഏറ്റവും നല്ല കാര്യം കുഞ്ഞിനെ ഉദരത്തില്‍ വഹിക്കുന്ന അവസരത്തില്‍ അവന്‌ ഏറ്റവും നല്ലതും പോഷകസമൃദ്ധവുമായ ആഹാരം കഴിക്കുക എന്നതാണ്‌.

കുഞ്ഞിന്‌ മാത്രമല്ല അമ്മയുടെ ജീവിതകാലം മുഴുവനുമുള്ള ആരോഗ്യത്തിനും സൗന്ദര്യത്തിനും ഗര്‍ഭകാലത്തെ ആഹാരവുമായി ബന്ധമുണ്ട്‌.
ഡോക്‌ടര്‍ നിര്‍ദേശിക്കുന്ന കാല്‍സ്യം ഗുളികകളും മറ്റും രുചിഭേദത്തിന്റെയും ഛര്‍ദിലിന്റെയും പേരില്‍ കഴിക്കാതിരിക്കുന്ന അമ്മമാരുണ്ട്‌.
ഇത്‌ അമ്മയുടെയും കുഞ്ഞിന്റെയും ആരോഗ്യത്തിന്‌ ദോഷമാണ്‌. പ്രായം കുറച്ച്‌ മുന്നോട്ടു ചെല്ലുമ്പോള്‍ ശരീരത്തില്‍ പല വിറ്റാമിനുകളിലും കുറവു വരുകയും അസുഖങ്ങള്‍ പതിവാകുകയും ചെയ്യും.

ഭക്ഷണം തവണകളായി കഴിക്കണം
ഭക്ഷണം ലഘുതവണകളായി കഴിക്കുക. ഉപവാസം, ഭക്ഷണം കഴിക്കാതിരിക്കുന്ന അവസ്‌ഥ എന്നിവ ഒഴിവാക്കുക. നിത്യാഹാരത്തില്‍ ധാന്യങ്ങള്‍, പയറുവര്‍ഗങ്ങള്‍, പാല്‍, മത്സ്യമാംസാദികള്‍, പഴങ്ങള്‍, പച്ചക്കറികള്‍ എന്നിവ ആവശ്യത്തിന്‌ ഉള്‍പ്പെടുത്തുക.
ദിവസവും നാരുകള്‍ അടങ്ങിയ ആഹാരപദാര്‍ത്ഥങ്ങള്‍ കഴിക്കുക. മുളപ്പിച്ച പയറു വര്‍ഗങ്ങള്‍, പച്ചക്കറികള്‍, ഇലക്കറികള്‍ എന്നിവ ഉള്‍പ്പെടുത്തുക. ദിവസവും 10 ഗ്ലാസ്‌ വെള്ളം കുടിക്കുക.

ഒഴിവാക്കേണ്ടവ
ലഹരി പാനീയങ്ങള്‍, ശീതള പാനീയങ്ങള്‍, എണ്ണയില്‍ വറുത്തതും പൊരിച്ചതും അമിതമായി മസാലകള്‍ ചേര്‍ത്തതുമായവ.

ഇറുകിയ ജീൻസും ലെഗ്ഗിൻസും ആരോഗ്യത്തിന് ഹാനികരം

ശരീരത്തിന്റെ ആരോഗ്യത്തിന് ഭക്ഷണം പോലെ തന്നെ പ്രധാനമാണ് വസ്ത്രങ്ങളും. തിരഞ്ഞെടുക്കുന്ന വസ്ത്രങ്ങളിലെ ശ്രദ്ധയില്ലായ്മ പല രോഗങ്ങൾക്കും കാരണമാകും. ത്വക്ക് രോഗങ്ങൾക്കും, ശരീര സൗന്ദര്യ പ്രശ്നങ്ങൾക്കും, വന്ധ്യത അടക്കമുള്ള ആരോഗ്യ പ്രശ്നങ്ങൾക്കും അടിവസ്ത്രങ്ങളുടെ അശ്രദ്ധമായ ഉപയോഗ രീതികൾക്ക് പങ്കുണ്ട്.സൗന്ദര്യത്തിനപ്പുറം ആരോഗ്യവും അടിവസ്ത്രങ്ങളുടെ തിരഞ്ഞെടുപ്പിൽ ശ്രദ്ധിക്കേണ്ടതാണ്,ഒരുപാട് ഇറുകി പിടിച്ച അടിവസ്ത്രങ്ങൾ ഉപയോഗിക്കുന്നത് ആരോഗ്യ പ്രശ്നങ്ങൾ ഉണ്ടാക്കും.

പുരുഷന്മാർ കൂടുതൽ ഇറുകിയ അടിവസ്ത്രങ്ങൾ ഉപയോഗിക്കുന്നത് ബീജത്തിന്റെ ചലനശേഷി കുറയ്ക്കും. മദ്യം, പുകയില എന്നിവ ഉപയോഗിക്കുന്നവരേക്കാൾ ഇത് കൂടുതൽ ബാധിക്കുന്നത്‌ ഇറുകിയ അടിവസ്ത്രം ധരിക്കുന്നവരെയാണ്. ഇറുകിയ വസ്‌ത്രങ്ങള്‍ ബീജങ്ങളുടെ എണ്ണക്കുറവിന് കാരണമാവുന്നു എന്നാണ് കണ്ടെത്തല്‍. ഇറുകിയ വസ്‌ത്രങ്ങള്‍ ശരീരത്തിന് അസ്വസ്ഥതയുണ്ടാവുന്നതു മാത്രമല്ല ബീജങ്ങളെ നശിപ്പിക്കുകയും ചെയ്യുന്നു. ഇന്നത്തെ തലമുറയിലെ യുവാക്കള്‍ ഇറുകിയ അടിവസ്ത്രങ്ങള്‍ക്കു പുറമെ ടൈറ്റ് ജീന്‍സ് ധരിച്ചു നടക്കാന്‍ ഇഷ്ടപ്പെടുന്നവരാണ്. ജീന്‍സിന്റെ ചൂടും പ്രശ്‌നമാകുന്നു. പാകമായ കോട്ടന്‍ അടിവസ്ത്രങ്ങള്‍ ഉപയോഗിക്കുന്നതാവും നല്ലത്. ഇത് ശരീരം ചൂടാവുന്നതു തടയുന്നു. വൃഷണങ്ങളില്‍ ഉത്പാദിപ്പിക്കപ്പെടുന്ന ബീജങ്ങള്‍ക്ക് അധികം ചൂടിനെ ചെറുത്തുനില്‍ക്കാനാവില്ല.

ശരീരത്തിലെ പുരുഷ ഹോർമോണ്‍ ആയ ടെസ്റ്റോസ്റ്റിറോണിന്റെ ഉത്പാദനം കുറയുകയും മന്ദത, ശക്തിക്കുറവ്, ആകുലത തുടങ്ങിയവയും പ്രത്യക്ഷപ്പെടും. ടെസ്റ്റിസുലാർ ടോർഷൻ അഥവാ വൃഷണങ്ങൾ അകത്തേക്ക് തിരിയുന്ന അവസ്ഥ വരുകയും, അത് മൂലം കഠിനമായ വേദനയ്ക്കും അത് കാരണമാകും. ശരീരത്തിൽ പാടുകൾ പ്രത്യക്ഷപ്പെടും.ഒരു അടിവസ്ത്രം 3 മാസത്തിൽ കൂടുതൽ ഉപയോഗിക്കുന്നത് നല്ലതല്ല. ശുദ്ധ ജലത്തിൽ കഴുകിയതിനു ശേഷം അല്പം ഡെറ്റോൾ ഒഴിച്ച വെള്ളത്തിൽ മുക്കിവച്ച് പിഴിഞ്ഞെടുത്ത ശേഷം നല്ല സൂര്യപ്രകാശം ലഭിക്കുന്നിടത്ത് ഉണക്കിയെടുക്കണം.

യൂറിനറി ട്രാക്ട് ഇന്‍ഫെക്ഷന്‍(യുടിഐ) അഥവാ മൂത്രനാളിയിലെ അണുബാധ പുരുഷന്മാരെക്കാളും അധികം ഉണ്ടാകുന്നത് സ്ത്രീകളിലാണ്. എന്നാല്‍ ഇത് എങ്ങനെ വരാതിരിക്കാമെന്നും, ഒഴിവാക്കാമെന്നും സ്ത്രീകള്‍ പൊതുവെ ചിന്തിക്കാറില്ല. മഴക്കാലം എന്നത് രോഗങ്ങളുടെ ഒരു സീസണാണ്. ഈ സമയത്ത് തന്നെയാണ് യൂറിനറി ട്രാക്ട് ഇന്‍ഫെക്ഷനുകളും സാധാരണ കണ്ടുവരുന്നത് ഇറുകിയ ജീന്‍സ്, അല്ലെങ്കില്‍ ഇറുകിയ വസ്ത്രങ്ങള്‍ ധരിക്കുന്നത് കൊണ്ട് യുടിഐ രോഗം വരാമെന്നാണ് പുതിയ പഠനങ്ങള്‍ ചൂണ്ടിക്കാട്ടുന്നത് നനവുള്ള അടിവസ്ത്രങ്ങൾ ഒരിക്കലും ഉപയോഗിക്കാൻ ശ്രമിക്കരുത്.

ഉപ്പിന്‍റെ അത്ഭുതപ്പെടുത്തുന്ന ഉപയോഗങ്ങള്‍

ഉപ്പ് എന്നത് നമ്മുടെ ജീവിതത്തിലെ ഒഴിച്ചുകൂടാനാവാത്ത ഒരു ഭാഗമാണ്. എത്ര പ്രിയപ്പെട്ട ഭക്ഷണമാണെങ്കിലും അതില്‍ ചേര്‍ക്കേണ്ട ഉപ്പിന്‍റെ അളവ് കുറഞ്ഞുപോയാല്‍ നെറ്റി ചുളിക്കുന്നവരാണ് നമ്മള്‍. വിലകുറഞ്ഞതും ഒഴിച്ചുകൂടാനാവാത്തതുമായ ഈ കറിക്കൂട്ട് വര്‍ഷങ്ങളായി നമ്മോടൊപ്പമുണ്ട്. ഭക്ഷണത്തിന്‍റെ സ്വാദ് വര്‍ദ്ധിപ്പിക്കുവാനും ഭക്ഷണസാധനങ്ങള്‍ കേടുവരാതെ സൂക്ഷിക്കാനുമാണ് ഉപ്പ് പ്രധാനമായും ഉപയോഗിക്കുന്നത്.

സവാള/ഉള്ളി ഗന്ധം അകറ്റാം
സവാളയോ വെളുത്തുള്ളിയോ അരിഞ്ഞുകഴിഞ്ഞാല്‍ അവയുടെ ഗന്ധം അത്ര പെട്ടെന്നൊന്നും നമ്മുടെ കൈയ്യില്‍ നിന്നും പോകുകയില്ല. എന്നാല്‍ ഇതിന് പരിഹാരമായി, നിങ്ങള്‍ കൈ കഴുകിയതിന് ശേഷം ആ നനഞ്ഞ കൈയില്‍ കുറച്ച് ഉപ്പെടുത്ത് കൈകള്‍ കൂട്ടിത്തിരുമ്മുക. അതിന് ശേഷം കൈ കഴുകുക. ഉള്ളിയുടെ ദുര്‍ഗന്ധം മാറിക്കിട്ടും.

ഷൂസിന്‍റെ ദുര്‍ഗന്ധം അകറ്റാം
ഷൂസിന്‍റെ ദുര്‍ഗന്ധം നമ്മളെ പലപ്പോഴും നാണംകെടുത്താറുണ്ട്. ഇതിന് പരിഹാരമായി, കുറച്ച് ഉപ്പ് ഒരു തുണിയില്‍ വച്ച് കിഴിയാക്കിയോ അല്ലാതെയോ ഷൂസിനകത്ത് വയ്ക്കുക. രണ്ട് മണിക്കൂറുകള്‍ക്ക് ശേഷം എടുത്ത് നോക്കുക. ദുര്‍ഗന്ധം പമ്പ കടന്നിട്ടുണ്ടാവും.

പ്രകൃതിദത്ത റൂം ഫ്രഷ്നര്‍
അര കപ്പ്‌ ഉപ്പെടുക്കുക. അതിലേക്ക് കുറച്ച് റോസാപ്പൂ ഇതളുകളും ഏകദേശം 30 തുള്ളി സുഗന്ധതൈലവും ചേര്‍ക്കുക. കൂടുതല്‍ നൈസര്‍ഗിക വരുത്തുവാനായി ഈ മിശ്രിതം പകുതി തൊലി കളഞ്ഞ ഓറഞ്ചിനു മുകളില്‍ വയ്ക്കുക. മുറി മുഴുവന്‍ സുഗന്ധപൂരിതമാക്കുവാന്‍ ഇത് നിങ്ങളെ സഹായിക്കും.

തൊണ്ട മാറാൻ മൂന്ന് മാർഗങ്ങൾ

പ്രകൃതിദത്തമായ തൊണ്ട വേദനയെ ശമിപ്പിക്കുന്ന മൂന്ന് മാര്‍ഗങ്ങളാണ് ഇവിടെ പറയുന്നത്.
1.ഉപ്പുവെള്ളം കൊണ്ട് കവിള്‍ കൊള്ളുക
തൊണ്ട വേദനയകറ്റാന്‍ ഏറ്റവും മികച്ച മാര്‍ഗമാണ് ഉപ്പുവെള്ളം കൊണ്ട് കവിള്‍ കൊള്ളുന്നത്. ചിലവ് കുറഞ്ഞ മാര്‍ഗം എന്നതിനേക്കാള്‍ ഉപ്പ് നല്ലൊരു അണുനാശിനിയും തൊണ്ടയിലെ കഫത്തെ കുറക്കുകയും ചെയ്യും.
ചൂടുവെള്ളത്തില്‍ അരസ്പൂണ്‍ ഉപ്പിട്ട് നന്നായി ഇളക്കിയതിന് ശേഷം മൂന്ന് നേരവും കവിള്‍ കൊണ്ടാല്‍ തൊണ്ടവേദന വളരെ പെട്ടെന്ന് ശമിക്കും.
2.തേന്‍
അടുക്കളകളില്‍ മിക്കവാറും ഉണ്ടാകുന്ന ഒന്നാണ് തേന്‍. തേന്‍ തൊണ്ടവേദനക്കുള്ള ഒരു പരമ്പരാഗത മരുന്നാണെന്ന് തന്നെ പറയാം.
തേനിലെ ആന്റി ബാക്ടീരിയല്‍ ഘടകങ്ങള്‍ പെട്ടെന്ന് തന്നെ തൊണ്ടയെ സുഖപ്പെടുത്തും. ഒരു കപ്പ് ചൂടുവെള്ളത്തില്‍ ഒരു സ്പൂണ്‍ തേന്‍ ചേര്‍ത്ത് കഴിക്കുകയാണ് ഉത്തമം.
3ഇഞ്ചിച്ചായ
തൊണ്ട വേദന പെട്ടെന്ന് ശമിപ്പിക്കുന്ന ഒന്നാണ് ഇഞ്ചി. ഇഞ്ചി ശരീരത്തിലെ ടോക്‌സിനുകളെ തുടച്ചുനീക്കി രക്തചംക്രമണത്തെ ഉത്തേജിപ്പിക്കുകയും ചെയ്യും.
ശരീരത്തിലെ ചീത്തയായ ബാക്ടീരിയകളെ നശിപ്പിക്കാനും ഇഞ്ചി നല്ലതാണ്. ചായയില്‍ ഇഞ്ചി ചേര്‍ത്ത് കഴിക്കുന്നതാണ് ഏറ്റവും നല്ലത്.

മലബന്ധം ,ശരീര പുഷ്ടി, ദഹന കുറവ് ഈന്ത പഴത്തിൽ പരിഹാരം

1.വിറ്റാമിനുകളുടെ സമ്പന്നമായ കലവറ.
ഈന്തപ്പഴം നിങ്ങളുടെ ദൈനംദിന ഭക്ഷണത്തില്‍ ഉള്‍പ്പെടുത്തണമെന്നു പറയാന്‍ കാരണമുണ്ട്. ഇതില്‍ പലതരത്തിലുള്ള വിറ്റാമിനുകള്‍ അടങ്ങിയിരിക്കുന്നു. വിറ്റാമിന്‍-എ, വിറ്റാമിന്‍-സി, വിറ്റാമിന്‍-കെ, വിറ്റാമിന്‍ ബി6, തയാമിന്‍, നിയാസിന്‍, റിബോഫ്ളവിന്‍ എന്നിവയാണ് ഈന്തപ്പഴത്തില്‍ അടങ്ങിയിട്ടുള്ള വിറ്റാമിനുകള്‍. ഇത്രയേറെ വിറ്റാമിനുകള്‍ ഒന്നിച്ച് ശേഖരിച്ചുവച്ചിട്ടുള്ള വേറെ ഏതു ഫലമാണുള്ളത്?
2.ധാതുക്കളുടെ കലവറ
ഹീമോഗ്ളോബിന്റെ കുറവുമൂലമുണ്ടാകുന്ന അനീമിയ എന്ന അവസ്ഥ നിങ്ങളെ ബാധിച്ചിട്ടുണ്ടെങ്കില്‍ ഈത്തപ്പഴം നിങ്ങളെ അതില്‍നിന്ന് മോചിപ്പിക്കും. എല്ലുകളുടെയും പല്ലുകളുടെയും ബലത്തിന് ആവശ്യമായ കാല്‍സ്യം ഈത്തപ്പഴത്തില്‍ ധാരാളം അടങ്ങിയിട്ടുണ്ട്. റ്യുമാറ്റിസം, ആര്‍ത്രൈറ്റിസ് എന്നിവ തടയുന്നതിനും ഈന്തപ്പഴം സഹായിക്കുന്നു. കാരയ്ക്കയിലെ മറ്റു ധാതുക്കളാണ് മഗ്നീഷ്യം, ഫോസ്ഫറസ്, പൊട്ടാഷ്യം, കോപ്പര്‍, മാംഗനീസ്, സെലെനിയം എന്നിവ.
3.മലബന്ധത്തിന് പരിഹാരം
നിങ്ങള്‍ മലബന്ധം മൂലമുള്ള പ്രശ്നങ്ങള്‍ നേരിടുന്നുവെങ്കില്‍ സ്ഥിരമായി ഈത്തപ്പഴം കഴിക്കൂ. നിങ്ങളുടെ പ്രശ്നം ഒരു ചികില്‍സയും കൂടാതെ പമ്പ കടക്കും. ഈത്തപ്പഴത്തില്‍ ധാരാളം നാരുകള്‍ അടങ്ങിയിട്ടുള്ളതിനാല്‍ കുടലും മലാശയവുമെല്ലാം ശുദ്ധീകരിക്കപ്പെടുന്നു.
4.മസിലുകള്‍ക്ക് ബലം നല്‍കുന്നു
ഹൃദയാരോഗ്യം കുറഞ്ഞവരുടെ ഹൃദയപേശികള്‍ക്ക് ബലം കൂട്ടാന്‍ ഈത്തപ്പഴത്തിനു കഴിയുമെന്ന് കണ്ടെത്തിയിട്ടുണ്ട്. അതുകൊണ്ടാണ് ഗര്‍ഭിണികളോട് പതിവായി ഈന്തപ്പഴം കഴിക്കാന്‍ പറയുന്നത്. ഗര്‍ഭപാത്രത്തിന്റെ മസിലുകള്‍ക്ക് ബലം ലഭിക്കുന്നതുവഴി പ്രസവം പ്രയാസമില്ലാത്തതാവും.

5.ശരീരപുഷ്ടി കൂട്ടുന്നു
ഈത്തപ്പഴത്തിന് ശരീരപുഷ്ടി വര്‍ദ്ധിപ്പിക്കാന്‍ കഴിയുമെന്നുള്ളത് ഒരു പാരമ്പര്യ വിശ്വാസമാണ്. ഇതില്‍ നിരവധി പോഷകങ്ങളും ധാതുക്കളും  അടങ്ങിയിരിക്കുന്നതിനാല്‍ ശരീരത്തിന് ഒരേസമയം കരുത്തും പുഷ്ടിയും പ്രദാനം ചെയ്യുന്നു.
6.ദഹനത്തിനും ഉദരാരോഗ്യത്തിനും
ദഹനക്കുറവുമൂലമുണ്ടാകുന്ന നെഞ്ചെരിച്ചില്‍, അസിഡിറ്റി തുടങ്ങിയ പ്രശ്നങ്ങളെ ഈത്തപ്പഴത്തിന്റെ ഉപയോഗത്തിലൂടെ ഒഴിവാക്കാം. മാത്രമല്ല, ശരീരത്തിനാവശ്യമായ ബാക്ടീരിയകളുടെ വളര്‍ച്ചയ്ക്കും ഇത് ഫലപ്രദമാണ്.
7.ഉയര്‍ന്ന കാലറി
കുറഞ്ഞ അളവില്‍ കൂടുതല്‍ കാലറി-അതാണ് ഈത്തപ്പഴത്തിന്റെ മറ്റൊരു സവിശേഷത. ഏറ്റവും മികച്ചതരം ഈത്തപ്പഴത്തിലെ ഒരെണ്ണത്തില്‍ 66 കാലറി ഊര്‍ജ്ജം അടങ്ങിയിട്ടുണ്ട്. അതിനാല്‍ കൂടുതല്‍ ഡേറ്റ്സ് അകത്താക്കിയാല്‍ വളരെപ്പെട്ടെന്ന് നിങ്ങളുടെ ശരീരഭാരം വര്‍ദ്ധിക്കും. അതേസമയം ഉണങ്ങിയ ശരീരമുള്ളവര്‍ക്ക് തടിക്കാന്‍ പറ്റിയ ആഹാരവുമാണ് ഈത്തപ്പഴം. പ്രസവശേഷം ആഹാരം കൂടുതല്‍ കഴിക്കേണ്ടിവരുന്നതിനാല്‍ ബോഡി ഫിറ്റ്നസ് നഷ്ടപ്പെടുമോയെന്ന ആശങ്ക ഇന്നത്തെ യുവതികളില്‍ കലശലായുണ്ട്. അവര്‍ക്ക് കുറഞ്ഞ അളവില്‍ ഭക്ഷണം കഴിച്ച് കൂടുതല്‍ കാലറി നല്‍കാന്‍ ഈന്തപ്പഴത്തിനു സാധിക്കുന്നു.

ലൈംഗികശേഷി വര്‍ദ്ധിപ്പിയ്ക്കും ഈ ആഹാരങ്ങൾ

ഈന്തപ്പഴം
ഈന്തപ്പഴവും ലൈംഗികശേഷി വര്‍ദ്ധിപ്പിയ്ക്കാന്‍ ഏറെ നല്ലതാണ്. ഉണങ്ങിയ ഈന്തപ്പഴം, അശ്വഗന്ധ എന്നിവ തുല്യമായെടുത്ത് 12 മണിക്കൂര്‍ പശുവിന്‍ പാലിലിട്ടു കുതിര്‍ത്തി ഈ പാലില്‍ തന്നെ ഇത് അരച്ച ശേഷം രാത്രി കിടക്കുന്നതിന് 2 മണിക്കൂര്‍ മുന്‍പു കഴിയ്ക്കാം

ഇഞ്ചി
ഇഞ്ചിയും ലൈംഗികശേഷി വര്‍ദ്ധിപ്പിയ്ക്കാന്‍ ഏറെ നല്ലതാണ്. ഇഞ്ചിയും ഏഴിലംപാലയുടെ അരിയും ചേര്‍ത്തു കഴിയ്ക്കുന്നതും ലൈംഗികശേഷി വര്‍ദ്ധിപ്പിയ്ക്കും.

ഫിഗ്
ഫിഗ് അഥവാ അത്തിപ്പഴം ഉണക്കിയത് പാലിലിട്ടു തിളപ്പിച്ച് ഈ പാലും ഫിഗും കഴിയ്ക്കുന്നത് സെക്‌സ് സ്റ്റാമിന വര്‍ദ്ധിപ്പിയ്ക്കാന്‍ ഏറെ നല്ലതാണ്.

വെളുത്തുള്ളി
വെളുത്തുള്ളി പാലിലിട്ടു തിളപ്പിച്ചു കുടിയ്ക്കുന്നതും ഇത് ചുട്ടു തേന്‍ ചേര്‍ത്തു കഴിയ്ക്കുന്നതുമെല്ലാം സെക്‌സ് സ്റ്റാമിന വര്‍ദ്ധിപ്പിയ്ക്കാന്‍ ഏറെ നല്ലതാണ്.

പാചക നുറുങ്ങുകള്‍

1.പച്ച മുളക് അരിയുമ്പോള്‍ അല്പം വെളിച്ചെണ്ണയോ പുളി വെള്ളമോ കയ്യില്‍ തേച്ചാല്‍ പുകച്ചില്‍ ഒഴിവാക്കാം.
2.വെളിച്ചെണ്ണ കനച്ചു പോകാതെ ഇരിക്കാന്‍ അല്പം ഇന്തുപ്പ് ഇട്ടു വയ്ക്കുക.
3.കറികള്‍ തയ്യാറാക്കുമ്പോള്‍ മഞ്ഞള്‍ കൂടിയാല്‍ ഒരു ഇരുമ്പ് സ്പൂണ്‍ തീയില്‍ പഴുപ്പിച്ച് കറിയില്‍ മുക്കിയാല്‍ മതി.
4.തേങ്ങ ചിരകിയതില്‍ ചൂട് വെള്ളം ഒഴിച്ച് പിഴിഞ്ഞാല്‍ മുഴുവന്‍ പാലും നമുക്ക് പിഴിഞ്ഞെടുക്കാം.
5.ഉപ്പ് സൂക്ഷിക്കുമ്പോള്‍ അലിയാതിരിക്കാന്‍ പാത്രത്തില്‍ അല്പം അരിമണികള്‍ ഇട്ടുവയ്കുക.

6.തേങ്ങ പൊട്ടിച്ച ശേഷം കണ്ണുള്ള തേങ്ങാമുറി ആദ്യം ഉപയോഗിക്കുക, ഈ ഭാഗം ആണ് വേഗം കേടു വരുക.
7.ഈന്തപ്പഴം മുറിക്കുമ്പോള്‍ കത്തിയില്‍ അല്പം മൈദാ മാവ് പുരട്ടിയാല്‍ ഒട്ടിപ്പിടിക്കില്ല.
8.കട്ടിയുള്ള തൈര് ഉറയൊഴിച്ചാല്‍ കട്ടിയുള്ള തൈര് തന്നെ നമുക്ക് ലഭിക്കും.
9.തണുപ്പ് കാലത്ത് വെളിച്ചെണ്ണ കട്ട പിടിക്കാതിരിക്കാന്‍ 2-3 തുള്ളി ആവണക്കെണ്ണ ഒഴിച്ചാല്‍ മതി.
10പപ്പടം ചീത്തയാവാതിരിക്കാന്‍ പോളിത്തീന്‍ ഷീറ്റില്‍ പൊതിഞ്ഞു അരിയുടേയോ പയര്‍ വര്‍ഗ്ഗങ്ങളുടെ കൂടെയോ സൂക്ഷിക്കുക.

രാത്രി നിങ്ങൾ വൈകിയാണോ ഭക്ഷണം കഴിക്കാറുള്ളത്?

രാത്രി നിങ്ങൾ വൈകിയാണോ ഭക്ഷണം കഴിക്കാറുള്ളത്?
എങ്കിൽ സൂക്ഷിച്ചോളൂ, കാരണം ഇത് നിങ്ങളുടെ ദഹനപ്രക്രിയയെ ബാധിക്കും

1.എല്ലാ ജീവജാലങ്ങള്‍ക്കും 24 മണിക്കൂറും പ്രവര്‍ത്തിക്കുന്ന ഒരു ജൈവഘടികാരമുണ്ട്. ഈ ഘടികാരത്തിന്റെ താളം തെറ്റുമ്പോള്‍ ശരീരത്തിന് പല രോഗങ്ങളും ഉണ്ടാകാൻ കാരണമാകും.
2.ദിവസം അവസാനിക്കുമ്പോള്‍ ശാരീരിക പ്രവര്‍ത്തനങ്ങള്‍ സാവധാനത്തിലാകും. രാത്രി വൈകിയാണ്‌ ഭക്ഷണം കഴിക്കുന്നതെങ്കില്‍ ആ ഭക്ഷണം ഊര്‍ജത്തിനായി ഉപയോഗിക്കപ്പെടുകയില്ല. പകരം കൊഴുപ്പായി ശേഖരിക്കപ്പെടുകയും ശരീര ഭാരം കൂടാന്‍ കാരണമാവുകയും ചെയ്യും.

3.വൈകി അത്താഴം കഴിക്കുന്നവര്‍ക്ക്‌ അസിഡിറ്റി, നെഞ്ചെരിച്ചില്‍, പുളിച്ചു തികട്ടല്‍ എന്നിവ അനുഭവപ്പെടുക സാധാരണമാണ്‌. അത്താഴത്തിനും ഉറക്കത്തിനും ഇടയിലുള്ള സമയം കുറയുന്നതാണ്‌ കാരണം.
4.സൂര്യാസ്‌തമനം കഴിഞ്ഞിട്ടും നിങ്ങള്‍ ഓഫീസിലോ കോളജിലോ അല്ലെങ്കില്‍ പുറത്ത്‌ എവിടെയെങ്കിലുമോ ആണെങ്കില്‍ പെട്ടന്ന്‌ ദഹിക്കുന്ന എന്തെങ്കിലും കഴിക്കുക.
5.രാത്രി വൈകി കനത്ത ഭക്ഷണം കഴിക്കുന്നത് ഒഴിവാക്കുക. പകരം കിടക്കുന്നതിന്‌ രണ്ട്‌ മണിക്കൂര്‍ മുമ്പ്‌ ചൂട്‌ പാലോ പഴങ്ങളോ കഴിക്കുക.
6.നേരത്തെ അത്താഴം കഴിക്കുന്നതിലൂടെ തലച്ചോറിനും മറ്റ്‌ അവയവങ്ങള്‍ക്കും അടുത്ത ദിവസത്തേയ്‌ക്ക്‌ സ്വയം ഊര്‍ജം നല്‍കാനുള്ള സമയം ലഭിക്കും

ബീറ്റ്റൂട്ട് ജ്യൂസ് കുടിക്കു..ഇതാണ് കാരണം

പോഷകങ്ങളാല്‍ സമ്പന്നമാണ് ഓരോ ബീറ്റ്റൂട്ടും. ബീറ്റ്റൂട്ട് ജ്യൂസ് കുടിക്കുന്നത് കൊണ്ടും ഗുണങ്ങള്‍ പലതാണ്. കൊളസ്ട്രോള്‍ കുറയ്ക്കാനും ബ്ലഡ് ഷുഗര്‍ നിയന്ത്രണത്തിനും ക്യാന്‍സറിനും അത്യുത്തമമാണ് ബീറ്റ്റൂട്ട് ജ്യൂസ്. ബീറ്റ്റൂട്ട് ജ്യൂസില്‍ ധാരാളം മിനറല്‍സ്, ഫൈബര്‍, ആന്റിയോക്സിഡന്റുകള്‍ എന്നിവ അടങ്ങിയിട്ടുണ്ട്.

ഹൃദയസംബന്ധമായ അസുഖമുള്ളവരും കായികതാരങ്ങളും ബീറ്റ്റൂട്ട് കഴിക്കുന്നത് നല്ലതാണ്. ബീറ്റ്റൂട്ടില്‍ അടങ്ങിയ നൈട്രേറ്റ് പേശികളിലേക്കുള്ള രക്തപ്രവാഹം വര്‍ദ്ധിപ്പിക്കുന്നു. കായികതാരങ്ങള്‍ക്ക് പേശികളിലേക്കുള്ള രക്തചക്രമണം കൂടുന്നത് കായിക ക്ഷമത വര്‍ദ്ധിപ്പിക്കും. ഹൃദയത്തിന് രക്ത ചംക്രമണം സുഗമമാക്കുന്നതിലൂടെ ഹൃദയത്തിന്റെ പ്രവര്‍ത്തനഭാരം കുറയ്ക്കാനും ബീറ്റ്റൂട്ടിലെ നൈട്രേറ്റിനു കഴിവുണ്ട്. രക്തക്കുഴലുകള്‍ക്ക് ബീറ്റ്റൂട്ടില്‍ അടങ്ങിയ നൈട്രേറ്റ് രക്തത്തിലേക്ക് ആഗിരണം ചെയ്യപ്പെടുമ്പോഴേക്കും നൈട്രിക് ഓക്സൈഡായി മാറും. നൈട്രിക് ഓക്സൈഡിന് രക്തക്കുഴലുകളെ വികസിപ്പിക്കാന്‍ കഴിവുണ്ട്. ഇതുമൂലം രക്ത ചംക്രമണം സുഗമമാകുന്നു. നിറം വര്‍ദ്ധിക്കാന്‍ ദിവസവും ബീറ്റ്റൂട്ട് ജ്യൂസ് കുടിക്കുന്നത് നല്ലതാണ്.

കൊളസ്ട്രോളിന്റെ അളവ് കുറയ്ക്കാന്‍ ശ്രമിക്കുന്നവര്‍ ദിവസവും ഒരു ഗ്ലാസ് ബീറ്റ്റീട്ട് ജ്യൂസ് കുടിച്ചാല്‍ മതി. രക്തത്തിലെ പഞ്ചസാരയുടെ അളവ് കുറയ്ക്കാനും ഇതിനു കഴിവുണ്ട്. ദിവസവും ബീറ്റ്റൂട്ട് ജ്യൂസ് കുടിക്കുന്നതിലൂടെ ക്യാന്‍സര്‍ സാധ്യത ഇല്ലാതാക്കാം. ക്യാന്‍സര്‍ കോശങ്ങളോട് പോരാടാന്‍ ഇതിന് കഴിവുണ്ട്. പ്രായമായവര്‍ക്ക് പ്രായമായവരില്‍ ബീറ്റ്റൂട്ട് ജ്യൂസ് കുടിക്കുന്നത് തലച്ചോറിലേക്കുള്ള രക്തപ്രവാഹം കൂടുമെന്നാണ് പറയുന്നത്.

ബീറ്റ്റൂട്ട് ജ്യൂസ് എങ്ങിനെ തയ്യാറാക്കാം
ബീറ്റ്‌റൂട്ട് തൊലികളഞ്ഞ് കഷണങ്ങള്‍ ആക്കുക. മിക്സിയില്‍ വെള്ളവും പഞ്ചസാരയും ബീറ്റ്‌റൂട്ടും ഇഞ്ചി അരിഞ്ഞതും കൂട്ടിചേർത്ത് അടിക്കുക. നന്നായി അരഞ്ഞ് കഴിഞ്ഞാല്‍ അരിച്ചു എടുക്കുക. ശേഷം അല്പം ചെറുനാരങ്ങനീരും ചേർത്തു ഇളക്കുക. ആവശ്യമെങ്കിൽ പഞ്ചസാര അൽപ്പം ചേർക്കാം. ഫ്രഷായി തന്നെ ഉപയോഗിക്കണം. പിന്നീട് ഉപയോഗിക്കരുത്.