പപ്പടം തോരൻ എങ്ങനെ ഉണ്ടാക്കാം

പപ്പടം തോരൻ എങ്ങനെ ഉണ്ടാക്കാം
പപ്പടം -6-7, ചെറിയുള്ളി – 3/4 കപ്പ്( സവാള -1), പച്ചമുളക് -1, വറ്റൽമുളക് ചതച്ചത്( മുളക് പൊടി) -1/2 റ്റീസ്പൂൺ
മഞൾപൊടി -2 നുള്ള്, ഉപ്പ്, കടുക് ,എണ്ണ -പാകത്തിനു, തേങ്ങ -1 പിടി, വറ്റൽ മുളക് -2, കറിവേപ്പില -1 തണ്ട്

പാനിൽ എണ്ണ ചൂടാക്കി പപ്പടം വറുത്ത് എടുത്ത് ചെറുതായി പൊടിച്ച് വക്കുക.
ചെറിയുള്ളി( സവാള),പച്ചമുളക് ഇവ പൊടിയായി അരിയുക.

ശേഷം ഉള്ളി, പച്ചമുളക് ഇവ ചേർത്ത് വഴറ്റി, കുറച്ച് വഴന്റ ശേഷം മഞൾപൊടി, വറ്റൽമുളക് ചതച്ചത്( മുളക് പൊടി) ഇവ ചേർത്ത് നന്നായി ഇളക്കി വഴറ്റി തേങ്ങ കൂടെ ചേർത്ത് ഇളക്കുക.പാകത്തിനു ഉപ്പും ചേർക്കുക.
നന്നായി വഴന്റ് വരുമ്പോൾ പപ്പടം പൊടിച്ചത് കൂടെ ചേർത്ത് നന്നായി ഇളക്കി 2 -3 മിനുറ്റ് ശേഷം തീ ഓഫ് ചെയ്യാം.

രുചികരമായ വെജിറ്റബിൾ കുറുമ തയ്യാറാക്കാം

രുചികരമായ വെജിറ്റബിൾ കുറുമ തയ്യാറാക്കാം

ആവശ്യമുള്ള സാധനങ്ങള്‍
കാരറ്റ് – 1 എണ്ണം, ബീന്‍സ് – ഒരു പിടി, ഉരുളന്‍ കിഴങ്ങ് – 1, ഗ്രീന്‍ പീസ് – 1/4 കപ്പ്
കോളിഫ്‌ലവര്‍ – 10 ഇതളുകള്‍, സവാള – 1 എണ്ണം, കപ്പലണ്ടി – 10 എണ്ണം, ചിരവിയ തേങ്ങ – അര മുറിയുടേത്, പച്ചമുളക് – 4 എണ്ണം
ഇഞ്ചി – ഒരു ചെറിയ കഷ്ണം, പെരും ജീരകം – ഒരു നുള്ള്, ഗ്രാമ്പു – 7, കറുക പട്ട – 1, മല്ലി – രണ്ട് ടീസ്പൂണ്‍
ഏലക്ക – 3
കടുക് , എണ്ണ , ഉപ്പു , കറിവേപ്പില ,മഞ്ഞള്‍പ്പൊടി
കാരറ്റ് നടുവിലെ മുറിച്ചു ചെറിയ കഷ്ണങ്ങള്‍ ആക്കുക.
കൊളിഫ്‌ലവര്‍ ചെറിയ കഷ്ണമാക്കുക.
ബീന്‍സ് മുറിച്ചെടുക്കുക.
സവാള നീളത്തില്‍ അരിഞ്ഞ് എടുക്കുക.

പാചക രീതി
പച്ചക്കറികള്‍ എല്ലാം കൂടെ ആവശ്യത്തിനു വെള്ളം ഒഴിച്ച് അല്പം ഉപ്പും ചേര്‍ത്ത് വേവിച്ചെടുക്കുക.
പച്ചമുളക്, ഇഞ്ചി, മസാല എന്നിവ ചേര്‍ത്ത് തേങ്ങ നല്ലപോലെ അരച്ചെടുക്കുക.
ചട്ടിയില്‍ എണ്ണ ഒഴിച്ചു കടുകിട്ട് പൊട്ടുമ്പോള്‍ സവാള വഴറ്റുക. വഴാന്നു വരുമ്പോള്‍ പച്ചകറികള്‍ ഇട്ടു വീണ്ടും വഴറ്റുക. അത് ഒന്ന് വഴന്നു വരുമ്പോള്‍ മഞ്ഞള്‍പൊടി ഇട്ടു ഇളക്കുക.
ശേഷം അരപ്പ് ചേര്‍ത്ത് ഇളക്കി ,ഉപ്പ് ചേര്‍ത്ത് അടച്ചു വെക്കുക. അരപ്പ് കഷ്ണങളില്‍ പറ്റിപിടിച്ചു കഴിഞ്ഞു ആവശ്യത്തിനു കുറുകി പാകമാകുമ്പോള്‍ അടുപ്പില്‍ നിന്നും എടുത്തു മാറ്റിവെക്കുക.

സ്വാദിഷ്ടമായ ഇടിച്ചക്ക തോരൻ ഉണ്ടാക്കാം

സ്വാദിഷ്ടമായ ഇടിച്ചക്ക തോരൻ ഉണ്ടാക്കാം

ചേരുവകള്‍
ഇടിച്ചക്ക -1
പച്ചമുളക് -4
തേങ്ങ -അര കപ്പ്
മഞ്ഞള്‍പൊടി -അര ടീസ്പൂണ്‍
ഉപ്പ് -പാകത്തിന്
ജീരകം -1 നുള്ള്
ഉഴുന്നുപ്പരിപ്പ് -50 ഗ്രാം
വെളിച്ചെണ്ണ -1 ടേബിള്‍ സ്പൂണ്‍
കടുക് -1 ടീസ്പൂണ്‍
വറ്റല്‍മുളക് -2
കറിവേപ്പില -4 കതിര്‍പ്പ്
വെളുത്തുള്ളി -3 അല്ലി
പാകം ചെയ്യുന്ന വിധം

ഇടിച്ചക്ക തൊലിചെത്തി ചെറിയ കഷണങ്ങള്‍ ആക്കി കഴുകിയെടുക്കുക. പാകത്തിന് ഉപ്പും വെള്ളവും മഞ്ഞള്‍പൊടിയും ചേര്‍ത്ത് ചക്ക കഷണങ്ങള്‍ വേവിക്കുക. വെന്തകഷണങ്ങള്‍ തണുക്കുമ്പോള്‍ അരകല്ലില്‍
വെച്ച് ചതച്ചെടുക്കുക.തേങ്ങ,ജീരകം,വെളുത്തുള്ളി,പച്ചമുളക് ഇവയും ചതച്ചെടുക്കുക.എണ്ണ ചൂടാകുമ്പോള്‍
കടുകിട്ട് പൊട്ടിക്കുക.കടുക് പൊട്ടുമ്പോള്‍ ഉഴുന്നുപ്പരിപ്പ്,വറ്റല്‍മുളക് മുറിച്ചത്,കറിവേപ്പില ഇവ മൂപ്പിക്കുക.

ഇതിലേയ്ക്ക് ചതച്ചുവെച്ച ചക്കയിട്ട്‌ ഇളക്കി നടുവില്‍ അരപ്പ് വെച്ച് മൂടി വേവിക്കുക.നന്നായി വെന്തുകഴിയുമ്പോള്‍ ഉലര്‍ത്തിയെടുക്കുക.

രുചികരമായ ഇറച്ചി പത്തിരി എങ്ങനെ ഉണ്ടാക്കാം

 രുചികരമായ ഇറച്ചി പത്തിരി എങ്ങനെ ഉണ്ടാക്കാം
ചിക്കൻ – അരക്കിലോ
ആട്ട – അരക്കപ്പ്
മൈദ – അരക്കപ്പ്
സവാള – ഒരെണ്ണം(ചെറുതായി അരിഞ്ഞത്)
പച്ചമുളക് – രണ്ടെണ്ണം(അരിഞ്ഞത്)
ഇഞ്ചി – അര ടീ സ്പൂൺ(അരച്ചത്)
വെളുത്തുള്ളി – അര ടീ സ്പൂൺ(അരച്ചത്)
വേപ്പില – ഒരു തണ്ട്
മല്ലിയില – രണ്ട് തണ്ട്(അരിഞ്ഞത്)
ഉപ്പ് – ആവശ്യത്തിന്
വെളിച്ചെണ്ണ – ആവശ്യത്തിന്
മഞ്ഞൾപൊടി – കാൽ ടീ സ്പൂൺ
മുട്ട – മൂന്നെണ്ണം
കുരുമുളക്പൊടി – അര ടീ സ്പൂൺ

പാകം ചെയ്യേണ്ട വിധം
ആട്ടയും മൈദയും ആവശ്യത്തിന് ഉപ്പുചേർത്ത് വെള്ളമുപയോഗിച്ച് കുഴച്ചിട്ട് പത്തുമിനിട്ട് നേരം വെയ്ക്കുക.അതിനുശേഷം ചപ്പാത്തി പരത്തുന്നപോലെ പരത്തിവെയ്ക്കുക. ചിക്കൻ മഞ്ഞൾപൊടിയും ഉപ്പുമിട്ട് വേവിക്കുക.ചൂടാറിയതിനുശേഷം മിക്സിയിലിട്ട് ചതച്ചെടുക്കുക.പാനിൽ എണ്ണയൊഴിച്ച് സവാളയിട്ട് വഴറ്റുക.അതിലേക്ക്പച്ചമുളകും ഇഞ്ചി, വെളുത്തുള്ളി,മല്ലിയില,വേപ്പില അല്പം ഉപ്പ് ഇവ ചേർത്ത് വഴറ്റുക.അതിലേക്കു ചതച്ച ചിക്കൻ ഇട്ട് നന്നായി യോജിപ്പിക്കുക.

ഓരോ ചപ്പാത്തിയുമെടുത്ത് അതിനുള്ളിൽ മസാല വെച്ച് അതിനുമുകളിൽ മറ്റൊരു ചപ്പാത്തിവെച്ച് അരിക് മടക്കി ഒട്ടിച്ചുവെയ്ക്കുക.ഇത് ചൂടാക്കിയ എണ്ണയിൽ മുക്കിപൊരിച്ചെടുക്കുക.മുട്ടയും കുരുമുളകുപൊടിയും ഉപ്പും ചേർത്തടിച്ച മിശ്രിതത്തിൽ ഈ പൊരിച്ച ചപ്പാത്തി മുക്കി ഒന്നുകൂടി ചെറുതായൊന്നു മൊരിച്ചെടുക്കുക.

രുചികരമായ നെത്തോലി ഡ്രൈ ഫ്രൈ എങ്ങനെ ഉണ്ടാക്കാം

രുചികരമായ നെത്തോലി ഡ്രൈ ഫ്രൈ എങ്ങനെ ഉണ്ടാക്കാം
ആവശ്യമുള്ള ചേരുവകള്‍
നെത്തോലി 500 ഗ്രാം
മുളക് പൊടി 2 ടീസ്പൂണ്‍
മഞ്ഞള്‍ പൊടി അര ടീസ്പൂണ്‍
കുരുമുളക് പൊടി അര ടീസ്പൂണ്‍
ഇഞ്ചി, പച്ചമുളക്, വെളുത്തുള്ളി പേസ്റ്റ് 1 ടീസ്പൂണ്‍
തേങ്ങക്കൊത്ത് അര കപ്പ്
ഉപ്പ്, വെളിച്ചെണ്ണ, കറിവേപ്പില ആവശ്യത്തിന്

പാകം ചെയ്യുന്ന വിധം
നെത്തോലി വൃത്തിയാക്കി മുളക്‌പൊടി, മഞ്ഞള്‍പൊടി, ഉപ്പ് ചേര്‍ത്ത് കുഴച്ചു വെക്കണം.

പത്തുമിനിറ്റിന് ശേഷം വെളിച്ചെണ്ണ ഒഴികെയുള്ള മറ്റു ചേരുവകള്‍ ചേര്‍ത്ത് നല്ലപോലെ കുഴക്കണം.
അടി കട്ടിയുള്ള ചീനച്ചട്ടിയില്‍ വെളിച്ചെണ്ണ ഒഴിച്ച് നെത്തോലികൂട്ട് ചേര്‍ത്ത് ഇടക്ക് ഇളക്കി വേവിച്ചെടുക്കണം. മൊരിഞ്ഞു വന്നാല്‍ തീയണക്കാം.

രുചികരമായ ഇറച്ചി പുട്ട് ഉണ്ടാക്കാം

ഇറച്ചി പുട്ട് ഉണ്ടാക്കാം
ചേരുവകള്‍
പുട്ട് പൊടി-അഞ്ച് കപ്പ്, ഇറച്ചി -അര കില്ലോ,തേങ്ങ-അരമുറി,ഉപ്പ് ,വെള്ളം, മുളകുപൊടി-ഒരു ടീസ്പൂണ്‍,മല്ലിപ്പൊടി-ഒന്നര ടീസ്പൂണ്‍ ,മഞ്ഞള്‍പ്പൊടി-കാല്‍ ടീസ്പൂണ്‍,പെരുംജീരകം-അരടീസ്പൂണ്‍
കറുവ പട്ട-രണ്ടു കഷണം, ഗ്രാമ്പു-അഞ്ച് കഷണം, ഏലയ്ക്ക-നാല് കഷണം, ഇഞ്ചി-ഒരു വലിയ കഷണം, വെളുത്തുള്ളി-അഞ്ച് അല്ലി, സവാള-രണ്ട്, പച്ചമുളകും -നാല് ,മല്ലിയില

തയ്യാറാക്കുന്ന വിധം

അഞ്ച് കപ്പ് പുട്ടിന്റെ പൊടിയില്‍ അരമുറി തിരുമ്മിയ തേങ്ങയും ഉപ്പും ചേര്‍ത്ത് ആവശ്യത്തിന് വെള്ളം തളിച്ച് സാധാരണ പുട്ടിന് നനയ്ക്കുന്നതു പോലെ നനച്ചുവെയ്ക്കുക. ഒരു ടീസ്പൂണ്‍ മുളകുപൊടി, ഒന്നര ടീസ്പൂണ്‍ മല്ലിപ്പൊടി, കാല്‍ ടീസ്പൂണ്‍ മഞ്ഞള്‍പ്പൊടി, രണ്ടു കഷണം കറുവ പട്ട, അഞ്ച് കഷണം ഗ്രാമ്പു, നാല് കഷണം ഏലയ്ക്ക, അരടീസ്പൂണ്‍ പെരുംജീരകം, ഒരു വലിയ കഷണം ഇഞ്ചി, വെളുത്തുള്ളി അഞ്ച് അല്ലി എന്നിവ ഒന്നിച്ച് അരയ്ക്കുക.

ഈ മാസാലക്കൂട്ട് ഇറച്ചിയില്‍ യോജിപ്പിച്ച് പാകത്തിന് ഉപ്പും അര കപ്പ് വെള്ളവും ചേര്‍ത്ത് കുക്കറില്‍ വേവിച്ച് തോര്‍ത്തിയെടുക്കുക.ചീനച്ചട്ടിയില്‍ എണ്ണ ചൂടാകുമ്പോള്‍ രണ്ട് വലിയ സവാള അരിഞ്ഞതും, ചെറുതായി അരിഞ്ഞ അഞ്ച് പച്ചമുളകും ഇട്ട് വഴറ്റുക. ഇതിലേക്ക് വേവിച്ച ഇറച്ചിയും രണ്ട് ടീസ്പൂണ്‍ മല്ലിയിലയും ചേര്‍ക്കുക.
ഒരു പുട്ടുകുറ്റിയില്‍ ഒരുപിടി മാവ് ആദ്യം ഇടുക. വീണ്ടും മാവിടുക. ഇങ്ങനെ ഇറച്ചിയും മാവും ഇടവിട്ട് ഇട്ട് പുട്ടുകുറ്റി നിറയ്ക്കുക. എന്നിട്ട് പുട്ട്കുറ്റിയില്‍ നിന്നും ആവി വരുന്നതുവരെ വേവിക്കുക.

സ്വാദിഷ്ടമായ ഇഞ്ചിക്കറി എങ്ങനെ ഉണ്ടാക്കാം

ആവശ്യമുള്ള സാധനങ്ങള്‍
1. ഇഞ്ചി പൊടിയായി അരിഞ്ഞത് – അരകപ്പ്
2. വറ്റല്‍ മുളക് – 24 എണ്ണം
മല്ലി – 2 വലിയ സ്പൂണ്‍
ഉലുവ – 1/4 ചെറിയ സ്പൂണ്‍
കടുക് – 1/4 ചെറിയ സ്പൂണ്‍
3. നല്ലെണ്ണ – 1 വലിയ സ്പൂണ്‍
4. വെളിച്ചെണ്ണ – 2 വലിയ സ്പൂണ്‍
5. വാളന്പുെളി – 2 ചെറിയ സ്പൂണ്‍
6. ശര്ക്കുര – പാകത്തിന്
7. കടുക് – കാല്‍ ചെറിയ സ്പൂണ്‍
ഉലുവ – അല്പം
വറ്റല്‍ മുളക് – നാല് എണ്ണം (മുറിച്ചത്)
കറിവേപ്പില – ആവശ്യത്തിന്

തയ്യാറാക്കുന്ന വിധം
ഇഞ്ചി കൊത്തിയരിഞ്ഞത് ചീനച്ചട്ടി അടുപ്പത്ത് വച്ച് ചൂടാകുമ്പോള്‍ ആവശ്യത്തിന് വെളിച്ചെണ്ണ ഒഴിച്ച് ചുവക്കെ വറുത്തു കോരുക.

ഒരു വലിയ സ്പൂണ്‍ നല്ലെണ്ണ ഒഴിച്ച് ചൂടാകുമ്പോള്‍, രണ്ടാമത്തെ സാധനങ്ങള്‍ ക്രമത്തിന് ഇട്ടു മൂപ്പിച്ചുവാങ്ങി നന്നായി അരച്ചെടുക്കുക. അതിനുശേഷം ഒരു പാത്രത്തില്‍ വറുത്തെടുത്ത ഇഞ്ചിയും, ആവശ്യത്തിന് വാളന്പുെളി കലക്കിയ വെള്ളവും മേല്പെറഞ്ഞ അരച്ചെടുത്ത സാധനങ്ങളും, ഉപ്പുനീരും ചേര്ത്ത്ല ഇളക്കി തിളപ്പിക്കുക.

രണ്ടു വലിയ സ്പൂണ്‍ വെളിച്ചെണ്ണ ചൂടാകുമ്പോള്‍ ഏഴാമത് പറഞ്ഞിരിക്കുന്ന സാധനങ്ങള്‍ ഓരോന്നും മൂപ്പിച്ചെടുത്ത് കറിയില്‍ ചേര്ക്കു ക. ‘ഇഞ്ചിക്കറി’ ഒരു വിധം കൊഴുക്കുന്ന സമയം പാകത്തിന് മധുരം ആകത്തക്കവിധം ശര്ക്കിര കൂടി ചീകി ചേര്ക്കു ക. നന്നായി ഇളക്കി തണുത്തശേഷം പാത്രത്തില്‍ നിന്നും കയില്കൊംണ്ട് കോരി ഭരണിയില്‍ ഒഴിച്ചുവെച്ച് ആവശ്യത്തിന് എടുത്ത് ഉപയോഗിക്കുക.

തക്കാളി ചോറ് എങ്ങനെ ഉണ്ടാക്കാം എന്ന് നോക്കാം

തക്കാളി ചോറ്
ജീര റൈസ് \ബസ്മതി റൈസ് – രണ്ടു ഗ്ലാസ്‌, സവാള – രണ്ട്‌( കൊത്തി അരിഞ്ഞത്), പച്ചമുളക് – 4,
തക്കാളി – 4 (കൊത്തി അരിഞ്ഞത് ), മല്ലിയില – ചെറുതായി അരിഞ്ഞത് (ഒരു പിടി ), പട്ടയും ഗ്രാമ്പൂവും – 1 ടി സ്പൂണ്‍ (ആവശ്യമെങ്കില്‍)
ഇഞ്ചി – വെളുത്തുള്ളി പേസ്റ്റ് – 2 ടി സ്പൂണ്‍,റിഫൈന്‍ഡ് ഓയില്‍ (സണ്‍ ഫ്ലവര്‍ ഓയില്‍ പോലുള്ളവ )- 2 ടേബിള്‍ സ്പൂണ്‍, മഞ്ഞള്‍പ്പൊടി – 1 ടി സ്പൂണ്‍, ഉപ്പ് – ആവശ്യത്തിന്, കറി വേപ്പില – ഒരു തണ്ട്

തയ്യാറാക്കുന്ന വിധം

ചോറ് വേവിക്കുന്ന വിധം
ഒരു ഗ്ലാസ്‌ അരിക്ക് രണ്ടു ഗ്ലാസ് വെള്ളം എന്ന കണക്കില്‍ വെള്ളം ചേര്‍ത്ത് ചോറ് വേവിക്കുക .ആവശ്യത്തിന് ഉപ്പും ചേര്‍ക്കുക .കുഴഞ്ഞു പോവാന്‍ പാടില്ല .ചോറ് തണുക്കാനായി മാറ്റി വെക്കുക .

ഒരു പാനില്‍ എണ്ണ ചൂടാക്കി സാവാളയും പച്ചമുളകും വഴറ്റിയെടുക്കുക.
ഇതിലേക്ക് തക്കാളി അരിഞ്ഞത്‌ ചേര്‍ത്ത് നല്ലതുപോലെ വഴറ്റുക.
ഈ വഴട്ടിയത്തിലേക്ക് മഞ്ഞള്‍പ്പൊടിയും വേണമെങ്കില്‍ ഗരംമസാലപ്പൊടിയും ചേര്‍ത്ത് വഴറ്റുക.

ഇവയെല്ലാം നല്ലതുപോലെ വഴന്നു എണ്ണ തെളിയുമ്പോള്‍ മല്ലിയില ചേര്‍ത്ത് തീ അണക്കുക.
തണുത്ത ചോറ് ഈ കൂട്ടിലേക്ക് ചേര്‍ത്ത് ഇളക്കി എടുക്കുക .തക്കാളി ചോറ് തയ്യാര്‍

റവ കേസരി എങ്ങനെ ഉണ്ടാക്കാം

രുചികരമായ റവ കേസരി എങ്ങനെ ഉണ്ടാക്കാം

ചേരുവകള്‍
റവ – ഒരു കപ്പ്, പഞ്ചസാര – രണ്ട് കപ്പ്, പാല്‍ – രണ്ട് കപ്പ്, നെയ്യ് – 100 ഗ്രാം,
ഉണക്കമുന്തിരി – 10 എണ്ണം, മഞ്ഞള്‍പ്പൊടി – ഒരു നുള്ള് (നിറത്തിനായി)

പാകം ചെയ്യുന്നവിധം
പാല്‍ തിളപ്പിച്ച് മാറ്റി വയ്ക്കുക. ഫ്രൈയിംഗ് പാനില്‍ നെയ്യ് ചൂടാക്കി റവ അതിലിട്ട് വറുക്കുക. എകദേശം ബ്രൌണ്‍ നിറമാകുന്നതുവരെ വറുക്കുക. അതിനുശേഷം പഞ്ചസാരയും പാലും മഞ്ഞള്‍പ്പൊടിയും ചേര്‍ക്കുക. ഈ പാനീയം കുറുകിവരുന്നതുവരെ ഇളക്കുക. എന്നിട്ടതിലേക്ക് ഉണക്കമുന്തിരി ചേര്‍ത്ത് വാങ്ങിവയ്ക്കുക. നന്നായി തണുത്തതിനുശേഷം ഇഷ്‌ടമുള്ള ആകൃതിയില്‍ മുറിച്ചെടുക്കുക.

കപ്പലണ്ടി മിട്ടായി എളുപ്പത്തിൽ ഉണ്ടാക്കാം

കപ്പലണ്ടി മിട്ടായി എങ്ങനെ ഉണ്ടാക്കാം
ആവശ്യമായ സാധനങ്ങൾ
കപ്പലണ്ടി – 200 ഗ്രാം
പഞ്ചസാര – 200 ഗ്രാം
ഏലയ്ക്ക – നാലെണ്ണം പൊടിച്ചത്

തയാറാക്കുന്ന വിധം
കപ്പലണ്ടി വറുത്ത് തൊലി കളഞ്ഞെടുക്കുക. പഞ്ചസാര ഒരു പാനിൽ ചെറുതീയിൽ ബ്രൗൺ നിറമാകുന്നത് വരെ ചൂടാക്കുക. ഇതിലേക്ക് ഏലയ്ക്ക പൊടിച്ചത് ചേ‍ർക്കുക. ഇനി വറുത്ത് വച്ചിരിക്കുന്ന കപ്പലണ്ടി ചേർത്ത് നന്നായി ഇളക്കി ഒരു സ്റ്റീൽ പ്ലേറ്റിലേക്ക് മാറ്റി ഷേപ്പനുസരിച്ച് മുറിച്ചെടുക്കാം. ശർക്കര ചേർത്തും ഉണ്ടാക്കാം.

രുചിയൂറും നാല് തരം ചമ്മന്തികൾ

തേങ്ങാ ചമ്മന്തി
ചേരുവകൾ
തേങ്ങാ ചിരകിയത് 2 കപ്പ്, പുളി 10 ഗ്രാം, വറ്റൽ മുളക് 8 എണ്ണം, കറിവേപ്പില, ഉപ്പ്‌ ആവശ്യത്തിന്, ചെറിയ ഉള്ളി 3 അല്ലി, വെളിച്ചെണ്ണ ആവശ്യത്തിന്.

തയ്യാറാക്കുന്ന വിധം
തേങ്ങാ ചിരകിയത് മിക്സിയിൽ ഒതുക്കിയെടുക്കുക. ഇതിലേക്ക് പുളി, വറ്റൽ മുളക്, കറിവേപ്പില, ഉപ്പ്‌, ചെറിയ ഉള്ളി എന്നിവ ചേർത്ത് ഒതുക്കുക. ഇതിൽ വെളിച്ചെണ്ണ തൂവി ചാലിച്ചെടുത്താൽ തേങ്ങാ ചമ്മന്തി റെഡി.

ചെമ്മീൻ ചമ്മന്തി
ചേരുവകൾ
ഉണക്ക ചെമ്മീൻ ആവശ്യത്തിന്, തേങ്ങാ ചിരകിയത് ചെറിയ കപ്പ്, വറ്റൽ മുളക് 8 എണ്ണം കറിവേപ്പില, ഉപ്പു ആവശ്യത്തിന്, മല്ലിയില, വെളുത്തുള്ളി 3 അല്ലി, തക്കാളി അറിഞ്ഞത് 1 ടീസ്പൂൺ, വാളൻ പുലി ചെറിയ ഉരുള, വെളിച്ചെണ്ണ ആവശ്യത്തിന്.

തയ്യാറാക്കുന്ന വിധം
ചീനച്ചട്ടി ചൂടാക്കി ചെമ്മീൻ അതിലിട്ടു വറുത്തെടുക്കുക. തേങ്ങാ ചിരകിയതും മുളകും ചീന ചട്ടിയിൽ വഴറ്റുക. ഇതും വാര്ത്ത ചെമ്മീനും മിക്സിയിൽ ഒതുക്കിയെടുക്കുക. ഇതിലേക്ക് തക്കാളി, മല്ലിയില, വെളുത്തുള്ളി, എന്നിവ ചേർത്ത് അടിച്ചെടുക്കുക. വെളിച്ചെണ്ണ ചേർത്ത് അൽപ്പം കുരുമുളക് പൊടിയും ചേർത്താൽ ചമ്മന്തി അടിപൊളിയായി

നെല്ലിക്ക ചമ്മന്തി
ചേരുവകൾ
നെല്ലിക്ക 10 എണ്ണം, കാന്താരി മുളക് 20 എണ്ണം, പുളി 10 ഗ്രാം, തേങ്ങാ ചിരകിയത് 1 കപ്പ്, കറിവേപ്പില, മല്ലിയില, വെളുത്തുള്ളി മൂന്ന്‌ അല്ലി, ഉപ്പ്‌, വെളിച്ചെണ്ണ ആവശ്യത്തിന്.
തയ്യാറാക്കുന്ന വിധം
നെല്ലിക്ക വെളിത്തിലിട്ടു ചൂടാക്കിയെടുക്കുക. അത് കുരു കളഞ്ഞ ശേഷം മിക്സിയിൽ ഒതുക്കുക, ഇതിലേക്ക് നെല്ലിക്ക, കാന്താരി മുളക്, പുളി, തേങ്ങാ ചിരകിയത്, കറിവേപ്പില, മല്ലിയില, വെളുത്തുള്ളി എന്നിവ ചേർത്ത് അടിച്ചെടുക്കുക. ഇതിലേക്ക് അല്പം വെളിച്ചെണ്ണ ചാലിച്ചാൽ നെല്ലിക്ക ചമ്മന്തി റെഡിയായി.

പുതിനയില ചമ്മന്തി
ചേരുവകൾ
തേങ്ങാ ചിരകിയത് 2 കപ്പ്, പുതിനയില 1 ടേബിൾ സ്പൂൺ, മല്ലിയില അര ടീസ്പൂൺ, കറിവേപ്പില, പുളി 10 ഗ്രാം, ഉപ്പ്‌ ആവശ്യത്തിന്, വിനാഗിരി 2 ടീസ്‌പൂൺ, പച്ച മുളക്, 6 എണ്ണം, വെളുത്തുള്ളി മൂന്ന്‌ അല്ലി.
തയ്യാറാക്കുന്ന വിധം
തേങ്ങാ ചിരകിയത് പച്ചമുളകിട്ട് മൈക്സിയിൽ നന്നായി ഒതുക്കിയെടുക്കുക, അതിൽ പുതിനയില, മല്ലിയില, കറിവേപ്പില, പുളി, ഉപ്പ്‌, വെളുത്തുള്ളി എന്നിവ ചേർത്ത് നന്നായി അരച്ചെടുക്കുക. ഇതിലേക്ക് വിഎൻഗിരി ചേർത്തിളക്കുക. രുചിയേറും പുതിന ചമ്മന്തി റെഡി.

അവൽ വിളയിച്ചത് എങ്ങനെ ഉണ്ടാക്കാം

അവൽ വിളയിച്ചത് എങ്ങനെ ഉണ്ടാക്കാം

അവൽ (Brown ) – I Kg, ശർക്കര പാനി – 1 cup, തേങ്ങ ചിരകിയത് – 1 തേങ്ങ
നെയ്യ് – 3t bട, കാഷ്യൂ നട്ട്, തേങ്ങ കൊത്ത്- അവശ്യത്തിന് (കൂടുതൽ ഇട്ടാൽ taste കൂടും.)
ജീരകം ,എലക്ക പൊടി – 1 tbs
കറുത്ത എള്ള് – 2tbs
വെളുത്ത എള്ള് – 2tbs

കാഷ്യൂനട്ടും തേങ്ങ കൊത്തും 1 tbspനെയ്യിൽ വറുത്ത് മാറ്റി വയ്ക്കുക.same നെയിലേക്ക് 2 Size എള്ളും ഇട്ട് മൂപ്പിക്കുക ,ശർക്ക പാനി ചേർക്കുക അതിലേക്ക് തേങ്ങ ചിരകിയതുംജീരകം, എല്ലക്ക പൊടിയും ചേർക്കുക. പിന്നെ അവൽ ചേർത്ത് കൊടുക്കുക. നന്നായി ഇളക്കിയോജിപ്പിക്കുക. അതിലേക്ക് വറുത്തു വച്ചിരിക്കുന്ന കാഷ്യൂ നട്ടും തേങ്ങക്കൊത്തും ബാക്കി നെയ്യും ചേർത്ത് നന്നായി ഉണക്കി എടുക്കുക. 1 week കേടുകൂടാതെ ഇരിക്കും