ഗർഭിണികൾ ഈ പഴങ്ങൾ കഴിക്കണം

ഗർഭിണികൾ ഈ പഴങ്ങൾ കഴിക്കണം
ഗര്‍ഭകാലത്ത് പഴങ്ങള്‍ കഴിക്കേണ്ട ആവശ്യകതയെക്കുറിച്ച് പ്രത്യേകം പറയേണ്ട ആവശ്യമില്ല. ഗര്‍ഭകാലത്ത് കഴിക്കേണ്ട ചില ഫലവര്‍ഗങ്ങളുമുണ്ട്. അവ ഏതൊക്കെയാണെന്ന് നോക്കാം

മുസംബി
ഗര്‍ഭിണികള്‍ക്കുണ്ടാക്കുന്ന ഛര്‍ദ്ദിക്ക് ശമനം വരുത്താന്‍ മുസംബിക്ക് കഴിയും. അതുപോലെ പുലര്‍കാലത്തുണ്ടാകുന്ന ക്ഷീണം ഒഴിവാക്കാന്‍ മുസംബി കഴിക്കുന്നത് നല്ലതാണ്. ആന്റി ഓക്സിഡന്റുകളാല്‍ സമ്പന്നമായ ഈ പഴം ഗര്‍ഭകാലത്തുണ്ടാകുന്ന എല്ലാ ആരോഗ്യപ്രശ്നങ്ങള്‍ക്കും ഗര്‍ഭസ്ഥശിശുവിനും നല്ലതാണ്.

മുന്തിരി
വിറ്റാമിന്‍ എ സമൃദ്ധമായി ഉള്ള മുന്തിരി ഗര്‍ഭിണികള്‍ക്ക് നല്ലതാണ്. പൊട്ടാസ്യം, ഫോസ്ഫറസ്, മഗ്നേഷ്യം, സോഡിയം എന്നിവയാല്‍ സമ്പന്നമാണ് മുന്തിരി.

അവക്കാഡോ
ഫോളിക് ആസിഡ് അടങ്ങിയിരിക്കുന്ന ഫലവര്‍ഗമാണ് അവക്കാഡോ. ഗര്‍ഭിണികള്‍ക്ക് യോജിക്കുന്ന പഴമാണിത്.

മാതളനാരങ്ങ
ആന്‍റി ഓക്സിഡന്‍റുകള്‍, വിറ്റാമിന്‍ E, A, C, പൊട്ടാസിയം എന്നിവ ഇതിലെ ചുവന്ന കുരുക്കളിലുണ്ട്. അതോടൊപ്പം ഇവയില്‍ ഉള്ള ഇരുമ്പിന്‍റെ അംശം ഗര്‍ഭകാലത്ത് അനീമിയയില്‍ നിന്നും രക്ഷ നേടിത്തരുന്നു. ആരോഗ്യ സമ്പൂര്‍ണ്ണമായ ഗര്‍ഭത്തിനായി ഇത് ദിവസേനെ കഴിക്കാം.

ഉണക്കിയ ആപ്രിക്കോട്ട്
ഇത് ഫോളിക് ആസിഡ്, അയണ്‍, കാല്‍സ്യം, പൊട്ടാസിയം, മഗ്നീഷ്യം, എന്നിവയാല്‍ സംപുഷ്ടമാണ്.

ദാമ്പത്ത്യ ജീവിതത്തിൽ ഭര്‍ത്താക്കന്‍മാരെ ഭാര്യമാര്‍ വെറുക്കുന്നതിന് ഉള്ള 5 കാരണങ്ങള്‍

1 ബഹുമാനം നഷ്‌ടമാകുമ്പോള്‍
പരസ്‌പര ബഹുമാനമാണ് ഏതൊരു ബന്ധത്തെയും പോലെ ദാമ്പത്യവും ശക്തമാക്കി നിലനിര്‍ത്തുന്നത്. എന്നാല്‍ എപ്പോഴും കുറ്റപ്പെടുത്തുകയും, ബഹുമാനിക്കാതിരിക്കുകയും പരസ്‌പര വിശ്വാസം നഷ്‌ടമാകുകയും ചെയ്യുമ്പോള്‍, ഭര്‍ത്താവിനോടുള്ള ഭാര്യയുടെ അടുപ്പത്തിലും സ്‌നേഹത്തിലും കുറവ് ഉണ്ടാകുന്നു. ക്രമേണ ഈ സ്‌നേഹക്കുറവ് വെറുപ്പായി മാറുകയും ചെയ്യും.

2 വഞ്ചിക്കുമ്പോള്‍
ഭര്‍ത്താവിന്റെ ഭാഗത്തുനിന്നുള്ള വഞ്ചന പൊറുക്കുവാന്‍ ഒരു ഭാര്യയ്‌ക്കും പെട്ടെന്ന് സാധിക്കില്ല. പ്രത്യേകിച്ചും പരസ്‌ത്രീ ബന്ധം ഉള്‍പ്പടെയുള്ള കാര്യങ്ങള്‍. സാമ്പത്തികമായ കാര്യങ്ങള്‍ മറച്ചുവെക്കുന്നതും ചില ഭാര്യമാര്‍ക്ക് സഹിക്കാനാകാത്ത കാര്യമാണ്.

3 നിരുത്തരവാദപരമായ പെരുമാറ്റം
ഭാര്യയോട് നിര്‍വ്വഹിക്കേണ്ട ഉത്തരവാദിത്വങ്ങളില്‍നിന്ന് ഭര്‍ത്താവ് പിന്‍മാറുന്നത് ദാമ്പത്യ ബന്ധം തകര്‍ക്കാനിടയാക്കും. കുടുംബപരമായ ചടങ്ങുകളില്‍ ഭാര്യയ്ക്കൊപ്പം പങ്കെടുക്കാതെ ഭര്‍ത്താവ് മാറിനില്‍ക്കുന്നത്, നേരത്തെ പറഞ്ഞതുപോലെ ഷോപ്പിങിന് ഒപ്പം പോകാതിരിക്കുന്നതൊക്കെ ഭാര്യമാരില്‍ ഭര്‍ത്താക്കന്‍മാരോട് വെറുപ്പ് ഉണ്ടാക്കുന്ന കാര്യങ്ങളാണ്.

4 വ്യക്തിപരമായ ഇടം ഇല്ലാതാകുമ്പോള്‍
വിവാഹിതയായാലും വ്യക്തിപരമായ ഇഷ്‌ടങ്ങള്‍ നിലനിര്‍ത്താന്‍ ആഗ്രഹിക്കുന്നവരാണ് സ്‌ത്രീകള്‍. എന്നാല്‍ ചില ഭര്‍ത്താക്കന്‍മാര്‍, ഭാര്യയുടെ വ്യക്തിപരമായ താല്‍പര്യങ്ങള്‍ക്ക് ഒരു വിലയും കല്‍പ്പിക്കില്ല. ഇത് ദാമ്പത്യ ബന്ധം തകരാനിടയാക്കും

5 ഭാര്യ വെറുമൊരു ഉല്‍പന്നമാകുമ്പോള്‍
ചില ഭര്‍ത്താക്കന്‍മാര്‍, ഭാര്യമാരെ സ്വന്തം താല്‍പര്യം സംരക്ഷിക്കുന്നതിനായി ഉപയോഗിക്കുന്നു. ജോലിയുമായി ബന്ധപ്പെട്ട ഒഴിവുകഴിവുകള്‍ സ്ഥിരീകരിക്കുന്നതിനായി ഭാര്യമാരെ കരുവാക്കുന്ന ഭര്‍ത്താക്കന്‍മാരുണ്ട്. ഇത്തരം സംഗതികള്‍ ഒരുതരത്തിലും ഭാര്യമാര്‍ ഇഷ്‌ടപ്പെടുന്ന കാര്യമല്ല.

മത്തൻ കുരു വലിച്ചെറിയാനുള്ളതല്ല , അറിയാം ആരോഗ്യ ഗുണങ്ങൾ

മത്തൻ കുരു വലിച്ചെറിയാനുള്ളതല്ല , അറിയാം ആരോഗ്യ ഗുണങ്ങൾ

ധാരാളം മിനറലുകള്‍ അടങ്ങിയ മത്തന്‍കുരു എല്ലുകളുടെ ആരോഗ്യം, രോഗ പ്രതിരോധശേഷി, എന്നിവ വര്‍ദ്ധിപ്പിക്കുകയും ശരീരത്തിന് കൂടുതല്‍ ഉന്മേഷം നല്‍കുകയും ചെയ്യുന്നു. ഇതില്‍ അടങ്ങിയിട്ടുള്ള പ്രോട്ടീന്‍ പേശികളുടെ നിര്‍മ്മാണത്തില്‍ സഹായിക്കുകയും, ചിലയിനം വാതങ്ങള്‍ കാരണമുള്ള ഉഷ്ണത്തെ ശമിപ്പിക്കുകയും ചെയ്യുന്നു. മഗ്നീഷ്യം ധാരാളം അടങ്ങിയതിനാല്‍ ഇതൊരു പ്രകൃതിജന്യമായ ഉത്തേജകമായും ഉപയോഗിക്കാം.

ഹൃദയാരോഗ്യം സംരക്ഷിക്കുന്ന കാര്യത്തില്‍ മത്തന്‍ കുരുവിന് ഒരു വലിയ സ്ഥാനം ഉണ്ട്. ഇതില്‍ അടങ്ങിരിക്കുന്ന മഗ്നീഷ്യം ഹൃദയാരോഗ്യം വര്‍ധിപ്പിക്കുന്നു.

രക്തസ്മ്മര്‍ദ്ദത്തെ നിയന്ത്രിച്ചു നിര്‍ത്തി കാര്‍ഡിയാക് അറസറ്റിനെ ഒഴിവാക്കാന്‍ മത്തന്‍ കുരുവിന് കഴിയും.

മത്തന്‍ കുരുവില്‍ സിങ്ക് ധാരാളമായി അടങ്ങിട്ടുണ്ട്. ഇത് രോഗപ്രതിരോധശേഷി വര്‍ധിപ്പിക്കും.

പുരുഷന്മാരിലെ പ്രോസ്‌റ്റേറ്റ് ക്യാന്‍സറിനുള്ള മകിച്ച പരിഹാരമാണ് ഇത്.

പ്രേമേഹം നിയന്ത്രിച്ചു നിര്‍ത്താനും മത്തന്റെ കുരുവിന് കഴിയും.

പുരുഷ ഗ്രന്ഥിക്ക് വരുന്ന ക്രമക്കേടുകള്‍ പരിഹരിക്കാന്‍ ശരീരത്തെ പര്യാപ്തമാക്കും. ഹൃദയധമനികളുടെ ആരോഗ്യത്തിനും നല്ലതാണ്. ലൈംഗിക ഊര്‍ജ്ജവും, ശരിയായ സുഖാസ്വാദവും പ്രധാനം ചെയ്യും.

ജീരകവെള്ളം പതിവാക്കൂ; കുടവയര്‍ കുറയും, ഒപ്പം മറ്റനേകം ഗുണങ്ങളും

ജീരകവെള്ളം പതിവാക്കൂ; കുടവയര്‍ കുറയും, ഒപ്പം മറ്റനേകം ഗുണങ്ങളും

കുടവയറും അമിതവണ്ണവും താങ്കളെ അലട്ടുന്നുവെങ്കില്‍ ഇതാ ഒരു ഹോം റെമഡി. ശരീരത്തിലെ ദുര്‍മേദസ്സ് അലിയിച്ചുകളയാന്‍ ജീരകവെള്ളം മികച്ച പരിഹാരമാണ്.

ഒരു ഗ്ലാസ് വെള്ളത്തില്‍ രണ്ട് ടീസ്പൂണ്‍ ജീരകമിട്ട് നന്നായി തിളപ്പിക്കുക. തുടര്‍ന്ന് ഇത് തണുപ്പിച്ച ശേഷം ചെറുനാരങ്ങ നീര് ചേര്‍ത്ത് ദിവസവും പ്രാതലിന് മുമ്പ് കഴിച്ചാല്‍ കുടവയറും അമിതവണ്ണവും കുറയ്ക്കാനാകും.

ജീരകത്തില്‍ അടങ്ങിയിരിക്കുന്ന ആന്റി ഓക്‌സൈഡുകളും വൈറ്റമിനുകളും ശരീരത്തിലെ കൊഴുപ്പിനെ അലിയിച്ചുകളയാന്‍ സഹായിക്കും. അസിഡിറ്റി, ഗ്യാസ്ട്രബിള്‍ തുടങ്ങിയ ദഹനവ്യവസ്ഥയുമായി ബന്ധപ്പെട്ട പ്രശ്‌നങ്ങള്‍ക്കും ജീരകം നല്ലതാണ്.

രക്തസമ്മര്‍ദം നിയന്ത്രിക്കാനും ശരീരത്തിന്റെ പ്രതിരോധ ശേഷി വര്‍ധിപ്പിക്കാനും ശരീര ഭാരംകുറയ്ക്കാനും എല്ലാം ജീരകം അത്യുത്തമമാണെന്ന് വൈദ്യശാസ്ത്ര രംഗത്തുള്ളവര്‍ ചൂണ്ടിക്കാട്ടുന്നു.

ജീരകത്തില്‍ അടങ്ങിയ വിറ്റാമിന്‍ ഇ, എ എന്നിവ ചര്‍മകാന്തി കൂട്ടാന്‍ സഹായിക്കും. മുഖക്കുരു, മുഖത്തെ കറുത്ത പാടുകള്‍ കരുവാളിപ്പ് എന്നിവ ഒഴിവാക്കി മുഖകാന്തി നിലനിര്‍ത്താന്‍ ഇതുവഴി സാധിക്കും.

ആയിരം കോഴിക്ക് അര കാട

പോഷകങ്ങളുടെ ഒരു കലവറ
പോഷകങ്ങളുടെ ഒരു കലവറ തന്നെയാണ് കാടമുട്ട. ഇത് നിങ്ങളുടെ ശരീരത്തിന്റെ ആരോഗ്യം നിലനിര്‍ത്തും. 13 ശതമാനം പ്രോട്ടീനും വൈറ്റമിന്‍ ബി 140 ശതമാനവും അടങ്ങിയിട്ടുണ്ട്.

അയേണ്‍
കാടമുട്ടയില്‍ അയേണ്‍ അടങ്ങിയിട്ടുണ്ട്. ഇത് രക്തക്കുഴലുകളുടെ ആരോഗ്യത്തിനും രക്തം വര്‍ദ്ധിപ്പിക്കാനും സഹായിക്കും. ഇത് ഹീമോഗ്ലോബിന്റെ അളവ് വര്‍ദ്ധിപ്പിക്കും.

കിഡ്നി,കരള്‍,ഗാള്‍ബ്ലാഡര്‍
കാടമുട്ട കഴിക്കുന്നതിലൂടെ കിഡ്നി,കരള്‍,ഗാള്‍ബ്ലാഡര്‍ സ്റ്റോണ്‍ എന്നിവയൊക്കെ ഇല്ലാതാക്കാന്‍ കഴിയും. ഇത് കല്ലുകളുടെ വളര്‍ച്ച തുടക്കത്തില്‍ തന്നെ തടയും. ഇതിലടങ്ങിയിരിക്കുന്ന ലെസിതിന്‍ സംയുക്തമാണ് ഇതിന് സഹായിക്കുന്നത്.

ആന്റി-ഇന്‍ഫല്‍മേറ്ററി
കാടമുട്ടയില്‍ ആന്റി-ഇന്‍ഫല്‍മേറ്ററി അടങ്ങിയിരിക്കുന്നുണ്ട്. ഇത് സന്ധിവേദന, വിട്ടുമാറാത്ത ചുമ, ശ്വാസനാളരോഗം എന്നിവയെ പ്രതിരോധിക്കും.

തലച്ചോറിന്റെ കാര്യക്ഷമത
കാടമുട്ട തലച്ചോറിന്റെ കാര്യക്ഷമത വര്‍ദ്ധിപ്പിച്ച് ഓര്‍മശക്തി നല്‍കും.

ഹൃദ്രോഗം,രക്തസമ്മര്‍ദ്ദം,ആര്‍ത്രൈറ്റീസ്
ശരീരത്തില്‍ പൊട്ടാസ്യത്തിന്റെ അളവ് കുറയുമ്പോള്‍ പല രോഗങ്ങളും ഉണ്ടാകും. ഹൃദ്രോഗം,രക്തസമ്മര്‍ദ്ദം,ആര്‍ത്രൈറ്റീസ്, സ്ട്രോക്ക്,ക്യാന്‍സര്‍ തുടങ്ങിയ രോഗങ്ങള്‍ക്കുള്ള സാധ്യതയുണ്ട്. ഇത് പരിഹരിക്കാന്‍ കാടമുട്ട കഴിക്കാം.

ഛര്‍ദ്ദി, വയറുവേദന, ഓക്കാനം
കാടമുട്ട കഴിക്കുന്നതിലൂടെ ഇടയ്ക്കിടെ ഉണ്ടാകുന്ന ഛര്‍ദ്ദി, വയറുവേദന, ഓക്കാനം എന്നിവയൊക്കെ മാറ്റി തരും.

ഉണങ്ങിയ അത്തിപ്പഴം ദിവസവും കഴിച്ചാൽ

ഉണങ്ങിയ അത്തിപ്പഴം ദിവസവും രണ്ട് വീതം കഴിച്ചാല്‍ അത് എന്തൊക്കെ ആരോഗ്യഗുണങ്ങള്‍ ആണ് നല്‍കുന്നത് എന്ന് നോക്കാം. അത്തിപ്പഴം കുട്ടികള്‍ക്ക് കൊടുത്താല്‍ അത് കുട്ടികളിലുണ്ടാവുന്ന തളര്‍ച്ച മാറ്റുന്നു. മാത്രമല്ല രോഗപ്രതിരോധ ശേഷി വര്‍ദ്ധിപ്പിക്കുകയും ചെയ്യുന്നു. പല വിധത്തിലുള്ള ആരോഗ്യ പ്രശ്‌നങ്ങള്‍ക്ക് നമുക്ക് പരിഹാരം കാണാന്‍ അത്തി ഉപയോഗിക്കാം.

ദഹന പ്രശ്‌നങ്ങള്‍
ദഹന പ്രശ്‌നങ്ങള്‍ ഇല്ലാതാക്കാന്‍ ഏറ്റവും അധികം സഹായിക്കുന്ന ഒന്നാണ് അത്തി. ദിവസവും മൂന്ന് ഉണങ്ങിയ അത്തിപ്പഴം കഴിച്ചാല്‍ അത് ദഹനസംബന്ധമായ എല്ലാ പ്രശ്‌നത്തിനും പരിഹാരം കാണാന്‍ സഹായിക്കുന്നു. മാത്രമല്ല മലബന്ധം പോലുള്ള പ്രശ്‌നങ്ങള്‍ക്കും പരിഹാരം കാണാന്‍ അത്തിപ്പഴം കഴിക്കുന്നതിലൂടെ സഹായിക്കുന്നു. ഇത് വയറിന്റെ എല്ലാ തരത്തിലുള്ള അസ്വസ്ഥതകള്‍ക്കും പരിഹാരം കാണാന്‍ സഹായിക്കുന്നു.

തടി കുറക്കാന്‍
ശരീരഭാരം കുറക്കാന്‍ സഹായിക്കുന്ന മാര്‍ഗ്ഗങ്ങളില്‍ വളരെ പ്രധാനപ്പെട്ട ഒന്നാണ് അത്തിപ്പഴം. ഇതില്‍ 47 കലോറിയാണ് ഉള്ളത്. തടി കുറക്കണം എന്ന് ആഗ്രഹിക്കുന്നവര്‍ക്ക് ദിവസവും രാവിലെ രണ്ട് അത്തിപ്പഴം കഴിക്കുന്നത് തടി കുറക്കാന്‍ സഹായിക്കുന്നു. മാത്രമല്ല ശരീരത്തിലെ അമിത കൊഴുപ്പിനെ ഇല്ലാതാക്കുന്നതിനും അത്തിപ്പഴം സഹായിക്കുന്നു.

സമ്മര്‍ദ്ദം കുറക്കുന്നു
ഇന്നത്തെ കാലത്ത് പലരിലും സമ്മര്‍ദ്ദം വളരെ കൂടുതലാണ്. ഇത് പല വിധത്തിലുള്ള പ്രശ്‌നങ്ങള്‍ക്ക് പരിഹാരം കാണുന്നതിന് സഹായിക്കുന്നു. അത്തിപ്പഴത്തില്‍ ഉള്ള സോഡിയവും പൊട്ടാസ്യവും എല്ലാം മാനസിക സമ്മര്‍ദ്ദത്തെ കുറക്കാന്‍ സഹായിക്കുന്നു. ഇത് എല്ലാ വിധത്തിലും ആരോഗ്യത്തിന് സഹായിക്കുന്നു.

ഹൃദയാരോഗ്യത്തിന്
ഹൃദയസംബന്ധമായ പ്രശ്‌നങ്ങള്‍ കൊണ്ട് കഷ്ടപ്പെടുന്നവരുടെ എണ്ണം ഇന്നത്തെ കാലത്ത് വര്‍ദ്ധിച്ച് കൊണ്ടിരിക്കുകയാണ്. എന്നാല്‍ ഇത്തരം പ്രശ്‌നങ്ങള്‍ക്കെല്ലാം പരിഹാരം കാണാന്‍ സഹായിക്കുന്നു. ഹൃദയസംബന്ധമായ എല്ലാ പ്രശ്‌നങ്ങള്‍ക്കും പരിഹാരം കാണാന്‍ എന്നും രാവിലെ ഉണങ്ങിയ അത്തിപ്പഴം കഴിക്കാം. ഇത് എല്ലാ വിധത്തിലും ഹൃദയസംബന്ധമായ പ്രശ്‌നങ്ങള്‍ക്ക് പരിഹാരം കാണാന്‍ സഹായിക്കുന്നു.

പ്രത്യുത്പാദന ശേഷി
പ്രത്യുത്പാദന ശേഷി വര്‍ദ്ധിപ്പിക്കുന്ന കാര്യത്തില്‍ അത്തിപ്പഴം മുന്നിലാണ്. അത്തിപ്പഴം പുരുഷന്‍മാര്‍ സ്ഥിരമായി രാവിലെ രണ്ടെണ്ണം വീതം കഴിക്കാം. ഇത് വന്ധ്യത പോലുള്ള പ്രശ്‌നങ്ങള്‍ക്ക് പരിഹാരം കാണാന്‍ സഹായിക്കുന്നു. സ്ത്രീകള്‍ക്കും പുരുഷന്‍മാര്‍ക്കും ഒരു പോലെ തന്നെ ഉണങ്ങിയ അത്തിപ്പഴം കഴിക്കാവുന്നതാണ്.

വയർ ചാടുന്നതിന്റെ പ്രധാന കാരണങ്ങൾ

മടി
വ്യായാമം ചെയ്യാതെ മടി പിടിച്ചിരിയ്ക്കുന്നത്, ശരീരമനങ്ങാതെ ഇരിയ്ക്കുന്നത് വയര്‍ ചാടാന്‍ ഇടയാക്കുന്ന ഒരു പ്രധാന കാരണമാണ്.

മദ്യപാനം
മദ്യപാനം വയര്‍ കൂടാന്‍ ഇടയാക്കുന്ന ഒന്നാണ്. പ്രത്യേകിച്ച് കൂടുതല്‍ ബിയര്‍ കുടിയ്ക്കുന്നത്. ബിയര്‍ ബെല്ലി എന്ന ഒരു വാക്കു തന്നെയുണ്ട്.

കൊറിയ്ക്കുന്ന ശീലം
ഇവയ്ക്കിടെ കൊറിയ്ക്കുന്ന ശീലമുള്ളവരുണ്ട്. പ്രത്യേകിച്ച് വറുത്തതും പൊരിച്ചതുമെല്ലാം. വയര്‍ കൂട്ടുന്ന ഒരു ശീലമാണിത്.

സ്‌ട്രെസ്
സ്‌ട്രെസ് വയര്‍ ചാടാനുള്ള ഒരു കാരണമാണ്. സ്‌ട്രെസ് കൂടുമ്പോള്‍ ശരീരം കോര്‍ട്ടിസോള്‍ എന്ന ഒരു ഹോര്‍മോണ്‍ പുറപ്പെടുവിയ്ക്കും.ഇത് തടിയും വയറ്റില്‍ കൊഴുപ്പും വര്‍ദ്ധിയ്ക്കാന്‍ ഇട വരുത്തും.

പ്രോട്ടീന്‍
കുറഞ്ഞ ഭക്ഷണങ്ങള്‍ പ്രോട്ടീന്‍ ശരീരത്തിലെ അപചയപ്രക്രിയ വര്‍ദ്ധിപ്പിയ്ക്കാന്‍ അത്യാവശ്യമാണ്. അപചയപ്രക്രിയ കൊഴുപ്പു കത്തിച്ചു കളയും. പ്രോട്ടീന്‍ കുറഞ്ഞ ഭക്ഷണങ്ങള്‍ കഴിയ്ക്കുന്നത് വയര്‍ ചാടിയ്ക്കും.
സമയനിഷ്ഠയില്ലാതെ ഭക്ഷണം

സമയനിഷ്ഠയില്ലാതെ ഭക്ഷണം കഴിയ്ക്കുന്നത് വയര്‍ ചാടിയ്ക്കുന്ന മറ്റൊരു ശീലമാണ്. ഇങ്ങനെ വരുമ്പോള്‍ അടുത്ത ഭക്ഷണം എപ്പോഴാണെന്നറിയാതെ ശരീരം കൊഴുപ്പു സംഭരിയ്ച്ചു വയ്ക്കും. ഇത് ആവശ്യാനുസരണം ഊര്‍ജമാക്കി മാറ്റാന്‍ വേണ്ടിയാണ്.

കഴിച്ചയുടനെ കിടക്കുന്ന ശീലം
രാത്രി കഴിച്ചയുടനെ പെട്ടെന്നു പോയി കിടക്കുന്ന ശീലവും വയര്‍ ചാടിയ്ക്കുന്ന ഒന്നു തന്നെ.

ഉറക്കക്കുറവ്
ഉറക്കക്കുറവ് ഹോര്‍മോണ്‍ അസന്തുലിതാവസ്ഥയുണ്ടാക്കും. ഇത് വയര്‍ ചാടാന്‍ ഇട വരുത്തും.

പച്ചക്കറികള്‍
പച്ചക്കറികള്‍ കഴിയ്ക്കാന്‍ മടിയുള്ളവരുണ്ട്. വാസ്തവത്തില്‍ പച്ചക്കറികള്‍ കഴിയ്ക്കുന്നത് ആരോഗ്യത്തിന് ഗുണകരമാണ്. കാരണം ഇതിലെ നാരുകള്‍ ദഹനം ശരിയായി നടക്കാന്‍ സഹായിക്കും. ഇത് വയര്‍ ചാടാതിരിയ്ക്കാന്‍ സഹായിക്കും