സ്വാദിഷ്ടമായ ബട്ടർ ചിക്കൻ ഉണ്ടാക്കാം

ബട്ടര്‍ ചിക്കന്‍

ചേരുവകള്‍
1.ബോണ്‍ലെസ് ചിക്കന്‍ കഷണങ്ങള്‍ -അര കിലോ
2.തക്കാളി പ്യൂരി -നാലു തക്കാളിയുടേത്
3.മുളകുപൊടി -ഒന്നര ടേബിള്‍ സ്പൂണ്‍
4.ഇഞ്ചി, വെളുത്തുള്ളി പേസ്റ്റ്​-മൂന്ന്​ടേബിള്‍ സ്പൂണ്‍
5.ഷാഹി ഗരം മസാല പൗഡര്‍ -1ടേബിള്‍ സ്പൂണ്‍
6.തൈര് -അരക്കപ്പ്
7.ബട്ടര്‍ -4 ടേബിള്‍ സ്പൂണ്‍
8.കസൂരി മേത്തി -ഒന്നര ടേബിള്‍ സ്പൂണ്‍
9.കാഷ്യൂനട്ട് കുതിര്‍ത്തി അരച്ചത് -2 ടേബിള്‍ സ്പൂണ്‍
10.ഫ്രഷ് ക്രീം -രണ്ട് ടേബിള്‍ സ്പൂണ്‍

തയാറാക്കുന്നവിധം
ആദ്യം ചിക്കന്‍ കഷണങ്ങളില്‍ കുറച്ച്‌ മുളകു പൊടി, ഗരം മസാലപ്പൊടി ഇഞ്ചി, വെളുത്തുള്ളി പേസ്റ്റ്​, ഉപ്പ്, നാരങ്ങാനീര്, അരക്കപ്പ് തൈര്, ഒരു സ്പൂണ്‍ എണ്ണ ഇവ ചേര്‍ത്തു നന്നായി ഇളക്കി ഒരു മണിക്കൂറെങ്കിലും ഫ്രിഡ്ജില്‍ വച്ചേക്കുക. പിന്നീട് ഒരു പാനില്‍ കുറച്ച്‌​ബട്ടര്‍ ഇട്ട് ഈ ചിക്കന്‍ കഷണങ്ങള്‍ ഷാലോ ഫ്രെ ചെയ്തു വെക്കുക. തക്കാളി പുഴുങ്ങി മിക്സിയില്‍ അടിച്ചു പ്യൂരി അരിച്ചുവെക്കുക. ഒരു പാന്‍ വച്ച്‌ ചൂടാകുമ്ബോള്‍ 2 ടേബിള്‍ സ്പൂണ്‍ ബട്ടര്‍ ഇടുക. അതില്‍ ഇഞ്ചി, വെളുത്തുള്ളി പേസ്റ്റ്​ ചേര്‍ത്ത് മൂക്കുമ്ബോള്‍ തക്കാളി പ്യൂരി ചേര്‍ക്കുക.

അതൊന്നു ചൂടാകുമ്ബോള്‍ ഗരം മസാല, മുളകുപൊടി, കസൂരി മേത്തി ഇവ ചേര്‍ക്കുക. കുറുകി വരുമ്ബോള്‍ അണ്ടിപ്പരിപ്പ് അരച്ച പേസ്റ്റ്​ ചേര്‍ക്കുക. കുറുകിയാല്‍ പാകത്തിനു വെള്ളം ചേര്‍ക്കുക. അരപ്പില്‍ എണ്ണ തെളിയാന്‍ തുടങ്ങുമ്ബോള്‍ ചിക്കന്‍ കഷണങ്ങള്‍ ചേര്‍ത്തു രണ്ടു മൂന്നു മിനിറ്റ് അടച്ചു വച്ചു വേവിക്കുക. അവസാനം ഫ്രഷ് ക്രീം ചേര്‍ത്ത് ഒന്നു ചൂടാകുമ്ബോള്‍ ഇറക്കുക. സെര്‍വിങ് ഡിഷിലേക്ക് മാറ്റി അല്‍പം മല്ലിയിലയും സ്പ്രിങ് ഒണിയനും കൊണ്ടു സുന്ദരമാക്കുക.

Leave a Reply

Your email address will not be published. Required fields are marked *